Notisia Desportu XYZ (01/05/2023) Jogu Segundu divizaun husi DIT FC ho Lica Lica Fc iha Segunda feira ne’e Dit Vitória ho scor 3-2.
Vitoria DIT FC mak ekipa husi universidade DIT ne’e sai kampiaun Liga Timorense Divizaun 2 epoka 2022/2023, DIT FC hetan pontos 19 hanesan mos ekipa AS Marca FC ne’ebe hetan mos pontos 19 maibe DIT FC liu ho golu ne’ebe sira marka.
Jogu hahu primeiru iha parte husi ekipa rua hatudu ameasa ba malu, maibe la iha marka golu ruma.
Aumenta minutu rua iha jogu Primeiru parte numeru kamizola 7 husi Lica Lica Andre Sarmento marka golu minutu 45 hetan suta husi parte eskerda nian,muda eskor 1-0 to’o jogu primeiru parte remata.
Kontinuasaun jogu segundu parte husi Dit ameasa ba rede Lica Lica nian maibe golu ousite.
Husi ne’e Lica Lica Fc mos responde kedas ho ameasa ba rede Dit nian la marka golu.
husi ekipa rua responde malu ho ameasa iha lina 16 nia laran.
Jogu komesa ekipa rua hahu manas liu tan maka suta husi númeru kamizola 22 Dit Libório Jeronimo suta ba nia maluk numeru kamizola 19 Joanico Bragança mak kabesa marka golu iha minutu 55 muda eskor 2-0.
Tuir fali tama ba minutu 56 DIT FC responde kedas golu husi numeru kamizola 9 jogador Feliciano Gonsalves muda eskor 1-2.
Jogu kontinua barullu husi ekipa rua nia adeptus sira,tanba ekipa rua ho ameasa hela.
No tama ba minutu 65 Dit Fc responde tan golu ida husi numeru kamizola 9 Elvis Silva ba rede Lica Lica nian muda eskor 2-2.
Husi Dit Fc nia jogador monu iha lina 16 nia laran maka arbitrazen João Paulino da Costa de Jesus hu’u arbiru penalidade suta husi númeru kamizola 7 Jose dos Santos marka golu iha minutu 80 muda eskor 3-2.
Enkuantu Jogu aumenta minutu 6, nafatin ho eskor 3-2 to’o jogu remata.
About Post Author
