Dili – Treinadór ho nasioanalidade Chili Simón Elissetche hatete hau nia kontratu iha Lalenok United remata iha (10/12) no hau sei lori João Pedro nudar mellor jogador Timor nian ba Klubu Malasia.
Treinadór Simón hamutuk ho Lalenok United iha tinan ne’e konsege konkista vitoria kampiaun dala rua tuir-tuir malu hanesan copa Federasaun Futebol Timor Leste FFTL no Taça 12 Novembro.
“Hau nia kontratu termina ona ho Lalenok iha fulan ne’e no hau sei lori João Pedro nudar jogador diak ida iha Timor ba hamutuk ho klubu Malasia” relata Simón ba jornalista iha estadiun munisipal Dili Sabadu (12/12).
Nia haktuir sei iha posiblidade atu lidera Lalenok United iha jogu super taca tinan ne’e hafoin muda ba klubu Malasia.
João pedro hanesan jogador ida ne’ebe mak iha esperiensia barak no teknika ho speed diak tanba ne’e hau esforsu makas hodi lori nia ba klubu Malasia.
Ho informasun ida ne’e jornalista konfirma ho jogador Ad SLB João Pedro maibe nia hatete seidauk simu informasaun ida husi Couch Simón Elessetche tau ba hamutuk ho klubu Malasia. (Eug)
About Post Author
