Dili-(Desportu XYZ) Ekipa Feto ho Mane husi klube Ad SLB Laulara Hamonu nia adversario ekipa Choque feto ho skor 3-0 no Mane 3-0 iha jogu Final Liga Voleibol Timor Leste tinan 2023 ne’ebé mak halao iha Genajio Dili tersa (05/12)
Iha jogu set premeru ekipa rua tun ho forsa hanesan hodi baku bola tun ba ida-idak nia grande area halo adepotos sira basa liman hakilar hodi fó anima tebes ba ekipa rua nia jogu.
Iha ne’ebé ekipa Ad SLB ne’ebé mak haforsa husi jogador estranjeiru nain rua hanesan númeru kamizola 7 no 4 ne’ebé mak tun ho tatiku jogu ho bola makas defesil bá ekipa Choque atu blokea bola husi nia liman no ikus mai ekipa Ad SLB ukun set premeru ho pontos 25 kontra 21.
Tama bá set segundu,ekipa Choque tenta halo mudansa jogu hodi hamate nia adversario Ad SLB nia jogu,maibé sforsu husi ekipa Choque hetan de’it pontos 15 kontra nia ekipa Ad SLB ne’ebé mak lidera ho pontos 25 iha set segundu ho skor 2-0.
Enkuantu,tama bá set terseru ekipa Choque domina hikas fali jogu ho pontos 10 kontra Ad SLB 4,maibé Ad SLB fila ho tatika jogu liu husi jogador estranjeiru nain rua,ikus mai ekipa Choque tenki rende ho pontos 23 kontra Ad SLB ho pontos 25,hodi taka jogu ho skor 3-0.
Aleinde ne’e ekipa Mane Ad SLB halakon nia adversario Choque iha Set premeru ho Pontos 27 kontra Choque ho pontos 25,Set segundu Ad SLB pontos 25 kontra Choque 20 no set terseru Ad SLB ho pontos 25 kontra Choque 20 no ikus mai vitória ba Ad SLB ukun ho eskor 3-0.
Entertantu, Premeru lugar ekipa feto Ad SLB hetan premiu ho montante 8000 ho medalia, segundu lugar Choque hetan premiu ho montante 6000 ho medalia,terseru lugar ADR hetan premiu ho montante 4000 no kuartu lugar Assalam hetan premiu ho montante 2000, enkuantu ekipa Mane Ad SLB sai premeru lugar hetan premiu ho montante 8000 ho medalia, Segundu lugar ekipa Choque hetan premiu ho montante 6000 ho medalia,terseru lugar K Link hetan premiu ho montante 4000 ho medalia no kuartu lugar Ocusse hetan premiu ho montante 2000.
About Post Author
