Bobonaru-(Desportu XYZ) governu liu husi Sekretáriu Estadu Arte e Cultura (SEAC) hamutuk ho Centru Nasionál Chega (CNC) agradese bá Joven sira iha Munisípiu Bobonaru hotu nia kolaborasaun bá Festival Fronteira 2023 bele la’o ho di’ak to’o remata.
Lia hirak ne’e hato’o husi Sekretáriu Estadu Arte e Cultura (SEAK) Jorge Soares Cristuvao no Diretor Centru Nasionál Chega (CNC) hafoin Ensera Atividade Festival Fronteira 2023 Ne’ebé hala’o iha Areadores Jenajio Munisípal Maliana sabadu semana ne’e.
“Atu termina ami hato’o ami nia agradese wain bá Joven no komunidade sira iha Munisípiu Bobonaru liuliu iha postu administrativu Maliana ne’ebé mak kopera di’ak tebes bá eventu ida ne’e”
Jorge dehan, bá Joven sira ne’ebé mak partisipa iha eventu ida ne’e ho imi nia sereidade bele halo feira ida ne’e la’o di’ak tebes ho dame no paz.
Governante ne’e afirma, bá inan aman, kolega artista, kolega artezinatico no bá grupu dansa kultural sira ne’ebé mak Partisipa iha Festival Fronteira 2023, ami Komisaun hakarak hato’o ami nia agradese wa’in tebes bá ita bot sira nia prezensa ne’ebé mak halo rame tebes eventu ida ne’e hodi hatudu duni identidade kultural ne’ebé ita iha.
Sikun seluk, Diretor Centru Nasionál Chega CNC, Hugo Maria Fernandes,” ho laran ksolok tebes ohin hamrik iha ne’e atu hato’o ha’u nia apresiasaun A’as tebes espesial Joven no komunidade sira iha Munisípiu Bobonaru sira hotu tanba hahú loron 15 to’o loron 18 fulan Novembru tinan 2023 imi hatudu duni karakter nu’udar Timor nian”
Hugo haktuir, ha’u nia laran monu kedas hodi hare eventu ida ne’e hahu husi loron 15 to’o ohin loron la’o ho hakmatek no hasoru malu ho bainaka sira hodi hateten mai ha’u ho oin hamnasa no oin midar tebes tanba ida ne’e mak identidade ne’ebé mak ita luta tempu naruk hodi hatudu bá mundu katak ida ne’e mak Timor oan.
Enkuantu, Menistru Juventude Desportu Arte e Cultura MJDAC liu husi Sekretáriu Estadu Arte e SEAK, Centru Nasionál Chega CNC no reprezentante husi Nusa Tengara Timur NTT Indonézia Ensera Atividade Festival Fronteira 2023 ho nia tema Interkambio bá kultural hodi hametin rekonsilasaun entre NNT ho Timor-Leste.
Atividade refere hala’o durante loron 4 hahú husi loron 15 to’o loron 18 fulan Novembru tinan ne’e iha Munisípiu Bobonaru.
About Post Author
 Jorge Soares Cristuvao no Diretor Centru Nasionál Chega (CNC) hafoin Ensera Atividade Festival Fronteira 2023 Ne'ebé hala'o iha Areadores Jenajio Munisípal Maliana sabadu semana ne'e.){kind=link}