Dili-klube Sigante Lalenok United hato’o ona karta rezigna A’an bá Liga Futebol Timor Leste (LFTL) hodi la partisipa iha jogu Epoka 2022.
Karta ne’ebé mak klube Lalenok hato’o bá LFTL iha loron 23 fulan Juñu tinan 2022.
No karta ne’e Prezidenti klube Lalenok United Pedro Belo deklara katak, klube foti ona deszisaun hodi rejigna A’an no taka atividade rai liur no rai laran ne’ebé mak organiza husi Federasaun Futebol Timor Leste FFTL no LFTL.
Razaun klube Lalenok taka tanba problema jogador internasionál Italo Pementel Soares ne’ebé efeita tebes bá dignidade klube, wainhira jogador refere lori keixa to’o FIFA no ikus mai dezisaun fó sai katak, klube tenki selu osan ho montante $ 7,500.00.
Ho orsamentu ne’e hanesan kompensasaun ba jogador refere tanba tuir FIFA klube Lalenok la fó salariu bá jogador refere durante pandemia Covid ne’ebé efeita bá mundu tomak inklui atividade Timor-Leste paradu totál.
Iha karta ne’e mós FIFA hatete katak, klube tenki selu jogador refere, sei la selu maka klube Lalenok sei la partisipa jogu iha rai laran durante tinan tolu.
Tuir diretor Relasaun Públika LFTL Diogu Neto Fraga afirma, inome Estrutura LFTL senti tristi wainhira rona klube sigante Lalenok rejigna A’an husi jogu Epoka ida ne’e.
“Klube nia dezisaun ita respeitu nu’udar klube ida ne’ebé famozu tanba bele lori Timor bá Partisipa iha jogu AFC” tenik Diogu bá jornalista iha Estadiun Munisipal Dili Segunda (27/06)
Nia konta, karta ne’ebé sira hato’o mai ne’e dehan sira deside ho klareza taka klube ne’e.
“Ita mós rona katak jogador sira iha Lalenok ne’e labele joga iha Epoka ida ne’e, maibé asuntu sira ne’e ita sei hare didiak para jogador sira nia talentu labele lakon” Diogu afirma
LFTL sei ko’alia mós ho FFTL atu rezolve problema sira ne’e para jogador bele joga nafatin ho klube seluk.
About Post Author
 hodi la partisipa iha jogu Epoka 2022.){kind=link}