Dili -Atleta husi Federasaun Atletismu Timor Leste Felisbertu de Deus husu bá governu liu husi Sekretáriu Estadu Juventude no Desportu(SEJD) atu halo prosesu lalais bá sira nia subsidu tanba perparasaun bá eventu Sea Games besik ona.
Fó hanoin de’it katak, Antes ne’e SEJD atribui ona Plaka bá Atleta husi Modalidade tolu ne’ebé mak hetan medalia 5 iha eventu Sea Games tinan ne’e iha Hanoi Vietnam mak hanesan,modalidade Atletismu Felisbertu de Deus hetan medalia osan mutin 2,ho montante premeu $ 15.000.00 ,modalidade Boxing Delio Mouzinho osan mutin ida nia premeu $ 7,500.00 no José da Silva premeu osan metan ida $ 4,500.00 no modalidade Taikwondo Santina Fernandes premiu $ 4,500.00
Núne’e mós ba treindora husi Atletismu simu 5.000.00 USD, Boxe 4.000.00 USD, no ikus liu Taikondow 1.500.00 USD.
Maibé ho montante ne’ebé mak sira simu ne’e palaka de’it tanba to’o oras ne’e sira seidauk hetan sira nia direitu tanba to’o oras ne’e governu liu husi SEJD seidauk transfere ba sira.
Tuir Atleta Modalidade Atletismu, Felisberto de Deus konta,subsidu ne’ebé mak ita nia governu liu husi SEJD fó ona Plaka mai ami iha fulan kotuk to’o agora seidauk hetan.
“ami nafatin ezizi tanba ami nia perparasaun mós beisik ona no ami husu atu labele husik ida ne’e ba tempu naruk tanba ami mós hein kleur ona ami espera katak governu sei kolabora ho Federsaun bele atribui lalais para ami mós bele halo ba ami nia perparasaun ba eventu ne’ebé mak sei Realiza iha tempu badak” dehan Felisberto bá jornalista iha Estadiun Munisipal Dili Segunda ne’e.
Nia sublina,Governu fo ona palaka ba sira maibé to’o agora sira seidauk Simu tanba sei iha prosesu nia laran.
Responde bá Kestaun ne’e Sekretariu Estadu Joventude no Desportu (SEJD), Abrao Saldanha, afirma sira prosesa hamutuk ho sistema pagamentu ne’ebé mak tenke liu husi Federsaun.
“Ida ne’e ami prosesa tiha ona hamutuk ho sistema pagamentu ne’e ita tenke halo liu husi Federsaun premiu ne’e iha tipu 2, mak ida premiu baze ne’e mak ida direitu ida dekretuu lei diploma Ministerial fó ne’e osan mutin hetan 5.000.00 no osan metan hetan 3.000.00”
Governante ne’e explika, sira aumenta tan prémiu bolu prémiu de bolsu desportivu ne’e 50% husi premiu baze signifika 2.500.00 ho 1.500.00, Ne’e la fó direitamente iha kes tau hela iha ne’e sira uza de’it ba selu sira nia eskola, selu sira nia kursu no sosa sira nia ekipamentus ba treinu nia ou hadia sira nia toba fatin ida ne’e maka SEJD tau ba Premiu ida ne’e i premiu ida fali ne’e transfere ba sira
“Ita nia dekretu lei ne’e loloos selu iha tinan oin tanba sira ba tinan ida ne’e, sira mai halo relatoriu ita halo orsamentu ba tinan oin mak foin selu maibé ami deisdee selu agora”Abrao dehan
Federasaun sira ne’ebé mak hetan prestasaun ne’e foin hatama sira proposta mai no ami avalia hotu ona balu ami aprova ona iha semana kotuk Atletismu nian foin aprova ohin Taikondow nia mós aprova ona hein de’it prosesu finansas central atu halo transferensia ba sira nia Federsaun para sira bele selu sira nia atleta i ba ekipa teknika Federsaun lian no ba klubu nian” nia hakotu.
About Post Author
