Dili-relasiona Problema klube Lalenok United Ho jogador intranjeru Italo Soares Pementel ne’ebé hato keixa bá Federation International Football Association (FIFA) hodi halo Klube refere hetan sansaun durante tinan tolu la tuir atividade rai laran no mós rai li’ur.
Tanba ne’e Federasaun Futebol Timor Leste (FFTL) laiha dalan atu Resolve, maibé FFTL iha de’it dalan atu fó asistensia.
Ho problema salariu ne’ebé mak jogador Italo Soares Pementel hato’o bá FIFA katak,klube Lalenok la selu salariu bá jogador refere ho montante $ 7,500.00.
Problema ida ne’e halo prezidenti klube Lalenok United foti dezissun hodi hato karta bá Liga Futebol Timor Leste (LFTL) no FFTL hodi resigna A’an iha jogu Epoka ida ne’e.
Ho karta ne’ebé maka klube Lalenok United hato bá LFTL mensiona katak,jogador refere hato keixa bá FFTL,maibé FFTL nafatin fó sala mai klube tanba ne’e Klube la satisfas ho dezisaun ne’ebé husi FFTL momentu jogador refere hato keixa.
No kontratu ne’ebé jogador sira Asina mensiona kona-ba sira nia dereitu no dever,maibé FFTL halo afavor bá jogador refere.
Hatan bá kestaun ne’e Adjuntu Sekretáriu jerál FFTL Frederico Martins hateten,problema ida ne’e la’ós FFTL atu Resolve internal lae,ida ne’e problema ne’ebé normal sempre akontese iha ne’ebé de’it la’ós iha de’it Timor.
“Karik problema hanesan ne’e la’ós FFTL atu inklina A’an iha laran, maibé laiha duni dalan atu inklina A’an iha laran tanba ita bele fó asistensia de’it oinsá mak problema desputa ne’e bele Resolve internal de’it”tenik Frederico bá jornalista iha Bairu Grilos tersa (28/06)
Nia haktuir,jogador refere lori nia defensor defende nia,tanba jogador ne’e la’ós nia mak halo negosiasaun ho FIFA,maibé nia entrega ona bá nia defensor hodi ko’alia ho FIFA.
Durante ne’e Klube hala’o negosiasaun ho FIFA ne’e sira la inklina FFTL iha laran.
“Kona-ba posisaun FFTL nian,ami labele halo komunika jogador ho klube tanba FIFA nia instrusaun mai FFTL katak problema ida ne’e entre klube no jogador,entaun ami labele tama i ami iha klaran de’it hodi sai hanesan ponte ida”nia Saleinta
Atu dehan de’it kona-ba atu apoiu jogador refere,ita bele dehan durante ne’e FFTL sempre ko’alia bá klube sira katak,atu kuidadu rekrutamentu bá jogador estranjeiru sira tanba sei defikulta ita wainhira halo selebra kontratu bá sira, i sei karik halo kontratu bá sira tenki tuir klube nia kbi’it.
Entertantu,klube Lalenok United hanesan klube ida ne’ebé maka forte iha LFTL,no sai kampiaun bá Liga premeru devizaun,super taxa no Copa FFTL. Maibé epoka ida ne’e Klube Sigante Lalenok United tenki hakruk ba dezisaun FIFA nian hodi la partesipa iha jogu rai laran no rai li’ur durante tinan tolu.
About Post Author
 no FFTL hodi resigna A'an iha jogu Epoka ida ne'e.){kind=link}