Bobonaro-(Desportu XYZ) Asosiasaun Futebol 13 prontu fó Votus bá Nilton Gusmão hodi kandidatu bá prezidente Federasaun Futebol Timor-Leste (FFTL) hodi halo mudansa bá Futebol iha Timor.
prezidente Asosiasaun Futebol Munisípiu Bobonaro Domingos Gouveia, informa, ami mantein apoiu Nilton Gusmão hodi kandidatu ba prezidente FFTL foun ho asosiasaun hamutuk 13.
“Perzisa Figura foun hanoin fresku hodi lori Futebol Timor-Leste bá oin” dehan prezidenti AFMB bá jornalista sira iha Genajio Munisípiu Maliana Kinta (16/11)
Domingos esplika, asosiasaun sira ne’ebé mak apoiu Nilton Gusmao mak hanesan, Asosiasaun futebol munisipiu Bobonaro, Likisa, Oe- Cusse, Baucau, Viqueque, Ainaro, Lautem, Klube kampiaun divizaun dahuluk no daruak LFTL Karketu Dili FC ho DIT FC, Futsal, Femenina.
Tuir lolos asosiasaun 14 maibe asosisaun treinador hakat sai tiha pakote apoiu kandidatu Nilton Gusmão ba prezidente FFTL foun iha tinan oin.
Prezidente haktuir liu tan, asosisaun Futebol 13 apoiu kandidatu Nilton Gusmão no asosisaun sanulu resin apoiu kandidatu Francisco Kalbuadi Lai.
“politika mak nune’e, ba nia prezidente asosiasaun futebol munisipiu Bobonaro nu’udar mos ekipa susesu kandidatu Nilton Gusmão ne’e normal, nu’udar prezidente asosiasaun futebol munisipiu Bobonaro fulan ida liu ba nia deklara iha salaun City 8 apoiu Nilton Gusmão sai ba prezidente FFTL nune’e agora mos ami nafatin apoiu Nilton Gusmão kandidatu ba prezidente FFTL foun iha kongresu sei akontese iha loron 10 fulan janeiru 2024” dehan nia
formatu sai ona ba kandidatu prezidente FFTL foun ba kongresu ne’ebé mak sei hala’o iha loron 10 fulan janeiru 2024 i depois kandidatu sira sei submete iha loron 27 fulan novembru 2023 tinan ne’e.
“Ha’u garante kandidatu Nilton Gusmão sei sai prezidente FFTL foun iha kongresu iha loron 10 fulan janeiru 2024 tanba sira presiza figura foun hanoin mos foun ho diak dezenvolve futebol diak liu tan iha Timor-Leste”
Tanba asosisaun futebol 13 ne’e fiksu ona agora sira buka para kandidatu Nilton Gusmão manan absoluta iha kongresu mai ne’e nune’e sira sei nafatin halo aproximasaun ba asosiasaun sira seluk durante la apoiu Nilton Gusmão nune’e apoiu kandidatu Nilton Gusmão ne’e sei liu 13 menus husi ne’e la iha.
Domingos salienta, asosisaun futebol 13 hili Nilton Gusmão tanba sira presiza figura foun husi jerasaun foun hanoin fresku dezenvolve futebol iha Timor-Leste sira lakoi apoiu figura tuan ho idade tuan sei la halo mudansa.
asosisaun 13 garante Nilton Gusmão sei implementa promesa tanba antes tama kongresu iha loron 10 fulan janeiru 2024 sira sei asina akordu eskrita ho Nilton Gusmão depois sira asina hotu atu nune’e bainhira Nilton Gusmão lidera FFTL mak la halo tuir akordu sira sei hamosu kongresu extraordinariu.
Nia haklaken, hakarak bainhira Nilton lidera FFTL iha tinan 2024 maka tenki hare’e asosiasaun futebol 21 labele hare’e deit mak asosiasaun sira apoiu ne’e deit tanba asosisaun 21 ne’e iha direitu hetan apoiu husi FFTL hanesan atu nune’e bola ne’e dezenvolve husi baze duni mak to’o ba nasional tanba durante ida ne’e la iha kompetisaun no halo selesaun ba jogador nasional iha nasional deit, jogador sira ba joga iha kompetisaun internasional mak jogador nafatin deit la iha seluk, sira apoiu ka konkorda Nilton Gusmão tanba kandidatu ne’e iha ona hanoin atu dezenvolve futebol husi baze para hetan jogador selesaun nasional.
Durante ne’e ita iha prezidente lubuk ida lidera FFTL mak hanesan Francisco Kalbuadi Lay ho Fransisco Jeronimo halo ona buat lubuk halo aproximasaun ho FIFA, AFC no AFF hodi rekonese FFTL, maibé iha buat balun seidauk realiza nune’e ami hakarak Nilton Gusmão lidera FFTL para halo buat ne’ebe prezidente anterior sira seidauk realiza ne’e”, tenik Domingos
Mensajen prezidenti Asosiasaun Futebol Munisípiu Bobonaru nian ba asosiasaun 21 iha direitu votu ba kongresu iha loron 10 fulan janeiru 2024 hanoin ida deit hili kandidatu foun ba prezidente FFTL atu nune’e dezenvolve futebol tuir povu Timor-Leste nia hakarak hodi hadia pozisaun iha rangking FIFA nian.
Rekorda fali katak,antes ne’e Nilton Gusmão deklara ona iha salaun City 8 katak nia prontu kandidatu an ba prezidente FFTL foun bainhira asosiasaun futebol 21 fo fiar ba nia lidera FFTL hodi troka prezidente anterior nian fatin ba periodu 2022-2026.
About Post Author
