DILI-(Desportu XYZ) Francisco Jeronimo Rejigna a’an husi nia kargu prezidenti Federaasaun Futebol Timor Leste FFTL no nia promete sei apoiu nafatin estrutura foun tuir mai hodi lori Futebol bá oin.
“Ha’u dala ida tan ha’u husu haraik A’an no perdaun bá ita bot sira, ikus ita bot sira nia hakarak agora duni iha fatin ida ne’e ha’u deklara katak Francisco Jeronimo hanesan prezidente FFTL ofisiálmente Rejigna a’an husi ha’u nia kargu hodi entrega fali ba Asosiasaun sira hodi hili ida ne’ebé mak di’ak liu” Francisco deklara nia Rejigna a’an liu husi nia deskursus iha kongresu estra-ordinario FFTL nian ne’ebé mak hala’o iha Otel Timor Dili sesta semana ne’e (10/11)
Francisco dehan, hanesan umanus no ema ne’ebé mak serbisu iha Futebol no koñese Futebol oituan prontu apoiu nafatin bá sei de’it,maibé bá ha’u bola tenki la’o bá oin.
“Prezidenti Asosiasaun sira hotu, Sekretáriu Jerál Asosiasaun hotu, Vice prezidenti no membru sira hotu ne’ebé mak iha ne’e no ha’u ha’u respeita no hadomi”
Tinan lobuk ida ita hamutuk hahu husi 2018 ita hare Futebol ne’e hanesan buat ida katak perzisa hadia tanba ne’e bá buat sira ne’e hotu ha’u ho Membru ezekutivu Agostu no prezidenti, Vice prezidenti, sekretáriu jerál no membru Asosiasaun sira hotu no ami husu agradese no obrigadu barak bá ita bot sira nia kompresaun, koperasaun fó mai ami hodi Futebol ne’e ohin loron ema dehan jogador Timor oan sira iha rai li’ur ne’e mak Timor oan sira.
“Ida ne’e akontese la’ós ha’u Jeronimo de’it, maibé ida ne’e ita hotu nian tanba ne’e ha’u dalan ita tan bá saida maka Asosiasaun nia hakarak bá ha’u laiha problema, maibé ita nia hamutuk mak ne’e durante tinan 6 iha tempu defesil no tempu ladiak a’at ita hamutuk nafatin, maibé ita bot sira nia hakarak ha’u tenki kumpri” Francisco afirma
Nia sublina liu tan, hanesan ema ha’u husu deskulpa no perdaun bá ita bot sira hotu husi Presidente to’o Vice prezidenti katak,karik ha’u nia serbisu ladiak halo ita bot sira laran moras no hatudu oin buis, ha’u husu deskulpa hanesan ema mundu ne’e laiha ema ida mak perfeitu no laiha ema idak mak hatene hotu.
Razaun prinsipál bá Rejigna a’an mak ne’e, sei ha’u iha ne’e nafatin, Asosiasaun sira loron kalan dehan ha’u ladiak ha’u atu halo saida tanba ne’e hanesan ema hanoin dok oituan,entaun ha’u halo resignasaun hodi fó fali oportunidade bá sira.
“Ha’u la hatene ami nia problema saida,maibé ha’u hatene buat balun tanba Asosiasaun 11 hakerek karta ida mai hodi hateten demite prezidenti emediatamente no dehan razaun Futebol lalao i ida ne’e mak demokrasiamente”
Nia haktuir,ha’u nia esperansa bá estrutura foun bele halo servisu di’ak liu ha’u no buat hotu bele la’o di’ak tanba prosesu FIFA ho AFC kona-ba estadiun Timor hongoi hela tanba ne’e sira mai bele Halo komunikasaun atu nune’e buat sira ne’e bele la’o di’ak.
Entertantu,ho Resigna’an ida ne’e,Vice prezidenti FFTL Xefe Estadu Maior Jeneral F-FDTL Tenente Jeneral Domingos Raul “Falur Rate Laek”mak asume kargu hanesan prezidente FFTL interinu hodi hein kongresu Ordenario FFTL nian ne’ebé mak sei hala’o iha loron 10 fulan Janeiru 2024.
About Post Author
