DILI-(Desportu XYZ) Embaixador China iha Timor-Leste sei serbisu hamutuk ho Governu liu husi Menisteriu Juventude Desportu Arte e Cultura MJDAC atu kria fasilidade Desportu iha Timor.
Lia hirak ne’e hato’o husi Menistru Juventude Desportu Arte e Cultura Nelio Isaac Sarmentu bá jornalista sira,hafoin remata sorumutu entre Embaixador China MS.Wang Wenli iha salaun MJDAC licedere segunda feira ne’e.
“Kolega sira hotu Ohin ha’u senti honradu tanba hetan vizita husi Embaixador China ne’ebé mak foin halo nia kna’ar iha Timor foin fulan ida i ohin ami nain rua ko’alia buat barak kona-ba koperasaun governu Timor Leste ho Governu China”
Governante ne’e dehan,iha pontos rua ne’ebé mak ami nain rua halo deskusaun mak ida oinsá maka bele serbisu hamutuk liu tan atu hare fasilidade Desportu iha Timor no ida tan mak ami ko’alia oinsá mak atu fortefika relasaun povu Timor Leste ho povu China.
“Deskusaun hirak ne’e hetan resposta positivu di’ak tebes husi Embaixador China i prometidu katak ita sei kopera di’ak liu tan bá oin ho buat sira ne’ebé mak ohin ko’alia ona” Nelio afirma
Depois Inkontru ida ne’e bá oin sei iha tan deskusaun nivel tekniku nian atu hetan buat ne’ebé mak ohin ami ko’alia.
Sorin seluk Embaixador China Iha Timor Leste Wang Wenli informa,ita kolabora malu ho Timor-Leste importante tebes tanba ita hakarak dezenvolve Timor-Leste hamutuk ho MJDAC ita halo kooperasaun ba area juventude, desportu, arte no edukasaun, duran independennsia ba Timor-Leste idade 21 ita halo ona kooperasaun ba area juventude, desportu, arte no edukasaun nune’e ita halo atividade barak ona inklui ita harii futebol iha tasi ibun Lecidere.
“Ohin mos ita komunika ona ho MJDAC liu husi kooperasaun ida ne’e ita kolabora nafatin apoiu fasilidade iha area juventude, desportu, arte no edukasaun”
About Post Author
