DILI-(Desportu XYZ) prezidenti Komisaun Regulador Arte Marsiais KRAM Octavio da Concensao informa,KRAM Laiha Kompetensia Atu Taka Grupu Arte Marsiais tanba Politika governu nian mak bele iha kompetensia atu taka ou atu loke.
“KRAM hanesan instituisaun governu ne’ebé hari iha 2009 husi 4 governu konstituisional, ne’ebé mak momentu ne’ebá lidera husi sua exelensia Primeiru Ministru atual maun boot Kay Rala Xanana Gusmao, tanba ne’e governu mak iha kompetensia atu taka ou atu loke organizasaun Arte Marsiais sira iha Timor Leste”afirma prezidenti KRAM Octavio bá jornalista iha knaar fatin licedere segunda (06/11)
kompetensia ida nee foo ona ba KRAM liu husi lei numeiru 5/2017 konaba rejime juridika pratika arte marsiais ,rituais no armas brankas, rama ambon no kintu alterasaun ba kodigu penal.
Nia haktuir, atu taka organizasaun arte marsiais iha Timor Leste, presija pareser favoravel husi KRAM ne’ebé mak fó bá Ministru Juventude Desportu Arte e Kultura hodi halo aprezentasaun ba iha Konselu Ministru, Konselu Ministru mak iha kompetensia politika aas liu nudar orgaun estadu no orgaun governu para atu foti desizaun liu husi rezolusaun do governu.
Tanba agora dadaun rezolusaun numeiru 4/2020 ne’ebé hasai iha oitavu governu konstituisional hodi reativa fila fali atividade pratika arte marsiais seidauk revogadu ,kuandu revogadu dehan taka fila fali ne’e kompetensia politika Ministru nian para halo desizaun.
“KRAM kontinua halo servisu sira ba atividades desportu sira ne’ebé mak pratika desportu” Octavio esplika
KRAM ezekuta desizaun governu nian maibé lei fó dalan bá ida ne’e, lei fó kompetensia ne’e ba KRAM para fo pareser,pareser mai husi analize situasaun hotu hotu ne’ebé mak iha depois fó pareser ba governu, molok governu foti desizaun.
“hau simu ona orientasaun husi Ministru Juventude Desportu Arte e Kultura atu iha semana ida ne’e nia laran molok kuarta feira iha reuniaun Konselu Ministru ,ohin ou aban ami sei entrega ami nia pareser favoravel ba situasaun sira ne’ebé akontese iha teritoriu Timor laran tomak,”
Entertantu,kazu entre Grupu Arte Marsiais ho arte ritual akontese iha suku Lourba no Karabau Munisípiu Bobonaru iha loron 2 fulan Novembru tinan ne’e.
Enkuantu, akontesementu ne’e rezulta uma 10 ahi han no ema nain 3 hetan kanek grave no 4 kanek kaman.
About Post Author
