DILI-(DESPORTU XYZ) Federasaun Voleibol Timor-Leste (FVTL) Abertura Liga Voleibol primeiru divizaun epoka 2023 ho klube 13.
Abertura Liga Voleibol Epoka 2023, klube Ad SLB halakon Nia adversario Fitun Lorosae ho skor 3-0 no ekipa Choque mós halakon K-LINK ho eskor 3-0 iha jogu ne’ebé mak hala’o iha Genajio Dili tersa (24/10)
“Ita kleur ona la liga ba divizaun dahuluk, razaun tanba ita hasoru dezafiu barak iha situasaun real ida ne’e ita hetan pandemia, ho Timor-Leste realiza festa demokrasia eleisaun parlamentar nune’e ita la realiza liga voleibol premeru devizaun liu tiha situasaun sira ne’e, ami foin hato’o fali ami nia programa bá governu liu husi Menisteriu Juventude Desportu Arte e Cultura MJDAK i depois aprova ohin loron ami halo abertura ba d Liga Voleibol epoka dahaat 2023” afirma prezidente komisaun organizador Candido da Silva Pinto ba jornalista sira iha Genajio Dili tersa (24/10)
Nia haktuir, Liga ida ne’e rasik sei fó benefisiu bá povu Timor-Leste laran tomak liuliu jogador sira tanba voleibol ne’e to’o ona iha area rural tanba sira fó ona formasaun ba treinador ho arbitrajen iha munisipiu 12 ho RAEOA no terseru divizaun hala’o iha munisipiu sira kampiaun iha munisipiu mai kompete segundu divizaun iha nasional depois kampiaun iha segundu divizaun klube sira promovidu ba premeru divizaun.
Liga Voleibol Timor-Leste ho objetivu hetan jogador kualidade ba selesaun nasional Timor-Leste ba jogu internasional sira.
“ohin sira hala’o abertura ba premeru divizaunLiga Voleibol Timor-Leste epoka dahaat 2023 hein katak povu Timor-Leste bele asiste no liga ne’e hala’o tanba hetan fundu husi MJDAK ho orsamentu montante 72, 419 USD ho patrosinador husi Timor Telecom apoiu 750 USD” nia esplika
premiu Liga Voleibol Timor-Leste epoka dahaat 2023 ba premeru kampiaun feto mane simu 8,000 USD, manan nain segundu lugar feto mane hetan 6,000 USD, manan nain terseru simu 4,000 USD no manan nain kuartu lugar feto mane hetan 2,000 USD
Komisaun organizadora ne’e sublina, tuir lolos klube sira kompete iha liga agora ne’e mane hamutuk 8 maibe iha klube balun rezigna ho razaun tanba klube hetan problema iha jogador nune’e ekipa hamutuk 13 mak kompete divizaun dahuluk Liga Voleibol Timor-Leste epoka dahaat 2023, husi ekipa feto hamutuk neen, Ad-SLB, Fitun Lorosa’e, ADR-União, Choque, Joli Toni no Assalam no husi ekipa mane hanesan, K-link, Choque, Ambeno, Uset, Espada, AD-SLB no Bandidu Qualidade, jogu époka tinan ne’e utiliza kampu voleiból Jináziu Desportu Dili, tipu jogu ne’e full competisau, entaun klube sira joga hotu foin tama semi final mak determina klube ne’ebé mak sai kampiaun ba époka tinan ne’e.
Entretantu, iha jogu abertura premeru devizaun Liga Voleibol Timor-Leste epoka dahaat 2023 ekipa AD SLB Manan Fitun Lorosae ho skore 3-0 husi set tolu 25-17, 25-06, ho 25-14 no Husi ekipa mane Choque manan K-LINK ho skore 3-0 husi set tolu 25-19, 25-19 ho 25-17.
About Post Author
){kind=link}