Dili-(Desportu XYZ) Sekretáriu Jerál Ad SLB husu Deskulpa bá adeptu no amante futebol sira hotu ne’ebé horseik hare rasik ho matan katak SLB labele marka prezensa iha kampu hodi hala’o jogu kontra Karketu.
“Ami hatene katak adeptos sira senti tristi, maibé SLB tenki foti desizaun ida ne’e atu hadia buat ruma ne’ebé lalos iha Federaasaun Futebol Timor Leste (FFTL) no orgaun Liga Futebol Timor Leste (LFTL) rasik” relata Sekretáriu Jerál AD SLB bá jornalista sira liu husi konferensia inprensa ne’ebé mak hala’o iha sede SLB Taibesi, Sabadu 22 Abril 2023.
Domingos afirma, atu dehan de’it katak jogador SLB preparadu hela atu joga iha loron horseik, maibé razaun saida mak SLB la marka prezensa iha jogu horseik.
Primeiru hakarak informa bá públiku hotu iha Timor laran tomak liuliu amante Futebol no adeptu sira katak, desde kedas liga ne’e atu hahú, ha’u hanesan sekretáriu jerál bá AD SLB kontaktu kedas bá LFTL atu kordena ho FFTL hodi hare bá kalendariu internasional no rejionál atu nune’e labele akontese tan hanesan iha tinan rua liu bá AD SLB nia jogador nain 10 bá iha selesaun nasionál.
“Ho esperiénsia sira ne’e mak momentu ne’ebá ami husu bá diretor Kompitisaun LFTL Martinho Ribeiro atu kordena ho diretor tekniku FFTL hodi hare kalendariu sira ne’e” Caeero afirma.
Saida mak sira resposta bá ami katak, buat hotu los no tinan ne’e laiha jogu internasional no rejionál tanba ne’e mak liga hala’o no hetan aseita husi Klube sira iha technical meeting.
Hahú kompitisaun teki-teki ami rona husi FFTL halo selesaun bá jogador sira husi klube hotu-hotu no laiha koñesementu husi klube sira.
“Primeiru lista ne’ebé hasai husi FFTL jogador nain 10 husi Klube AD SLB, husi ne’e kedas ami rona informasaun katak iha loron 2 fulan Abríl ekipa nasionál desloka ona bá rai li’ur hodi halo try out“
Nia konta, momentu ne’e ami hola kedas inisiativa hodi halo kedas karta ida bá LFTL atu hare asuntu ida ne’e tanba selesaun nasionál atu desloka, ami seidauk hatene data fixu.
Iha loron 3 fulan Abril tinan ne’e ami laiha informasaun, ha’u rasik telefone diretor kompitisaun LFTL Martinho Ribeiro atu konfirma karta refere, entaun iha loron 4 ami halo enkontru ida ho sekretáriu jerál FFTL, Deritor Tekniku FFTL, dirijente LFTL no Klube Ponta Leste, Karketu no SLB.
“Razaun enkontru ne’e atu responde karta ne’ebé mak ami haruka katak antes selesaun nasionál sai hare lai orariu jogu SLB nian kontra Karketu no Ponta Leste tanba ami konsidera momentu ne’e ami mak iha klasifikasaun provezorio iha primeiru”.
Maibé iha inkontru ida ne’e laiha desizaun ida, entaun AD SLB mak propoin no fó opsaun rua bá Liga atu hare, primeiru jogu kontra Karketu no Ponta Leste halo antes selesaun nasionál sai, segundu jogu ida AD SLB ho Karkertu ne’e adia hein to’o selesaun nasionál sira fila mai.
Sekretáriu Jerál ne’e haklaken liu tan, infelizmente laiha informasaun husi LFTL, entaun ha’u rasik telefone bá deritor kompitisaun Martinho Belo hodi husu desizaun ho Karkertu ne’e oinsá, maibé hatan husi diretor kompitisaun katak ha’u tenki ko’alia ho Karkertu.
“Ha’u hanoin asuntu sira ne’e presiza hadia, tanba la’ós klube ho klube mak ko’alia ne’e sei mosu Match Facing tanba ne’e lakoi viola buat sira ne’e, ami husi liga maka resolve”.
Depois enkontru loraik ami rona husi FFTL katak adia fali viajen selesaun nasionál iha loron 16 fulan Abríl tinan ne’e, entaun jogu SLB ho Ponta Leste bele hala’o duni, entaun ami husu fali SLB ho Karkertu tanba seidauk iha desizaun ruma.
Hanesan klube iha ambisaun hakarak sai kampiaun tanba ami iha klasifikasaun provezorio ho pontos 17 tanba ne’e mak ami husu nafatin bá Liga atu hare asuntu ida ne’e.
About Post Author
