DILI-(Desportu XYZ) Sekretáriu Jerál Karketu Dili Fc Elezeu Izaac husu bá orgaun Liga Futebol Timor Leste LFTL ho Federaasaun Futebol Timor Leste atu prosesu lalais subsidu bá klube sira no mós Premeu Kampiaun.
“Ami husu bá orgaun LFTL no FFTL atu prosesu lalais tia Kampiaun no subsidu bá klube sira atu nune’e ami bele atende tia salariu jogador sira nian”dehan Sekretáriu Jerál Karketu bá jornalista sira iha estadiun munisipal Dili tersa (09/05)
Elezeu afirma, hanesan klube ami la’ó tuir nafatin reuniaun sira ne’ebé mak antes ne’e Klube,FFTL no LFTL realiza molok liga hahú.
“Iha informasaun ami rona katak prosesu hotu la’o hela i halo ona transferensia oituan hanesan Premeu do jogu ami simu ona,maibé bá kampiaun nian no orsamentu balun seidauk simu hanesan subsidu”nia sublina
Hanesan klube hein de’it tanba osan iha ona banku tanba prezidenti FFTL Fransisco Jeronimu ko’alia ona bá públiku katak orsamentu 4 sentu ital ne’e sei aloka bá iha Item rua hanesan 40% no tuir fali 60% bazea bá relatori ne’ebé mak klube haruka bá Liga i depois liga halo relatori jeral ida haruka bá FFTL
Karketu agora dadauk tenta hela atu Resolve tia jogador balun nia salariu molok subsidu ne’e sai.
Maibé ami husu nafatin bá orgaun LFTL ho FFTL realiza lalais sira nia promesa tanba ne’e deretu klube nian no ita hotu iha konkordansia bá malu mak realiza liga ne’e.
Hatan bá preokupasaun ne’e deritor Finansas LFTL Caetanu Carceres Correa,haktuir klaru klube sira mós perzisa orsamentu atu apoiu bá sira nia jogador tanba Tuir komprimisiu ne’ebé mak FFTL halo ona katak 40%no 60%
“Klube balun hatama ona relatori tanba saida mak seidauk halo transferensia tanba relatori husi Klube premeru devizaun hela klube rua no segundu devizaun hela klube tolu mak seidauk hatama relatori maibé la halo transferensia”
Dehan Caitanu,ikus mai subsidu sira ne’e dudu hotu mai liga katak liga mak sei tara tersu bá komprimisiu sira ne’e hodi hasoru klube sira.
“Ha’u hakarak hetete de’it kona-ba finansial soport ka subsidiu ne’e iha FFTL nia liman tanba sira mak halo transferensia dereita bá klube”
About Post Author
