DILI- (Desportu XYZ), oho Assalam Fc 2-1 halo Karketu Dili Fc ameasa Ad SLB Laulara bá títlu Kampiaun liga Timorense epoka 2022-2023.
Jogu entre Tropas Verde kontra Lakateu Dili hala’o iha estadiun munisipal Dili domingu (16/04)
Jogu hahú ekipa verde Assalam Fc domina liu bola hodi fó ameasa primeiru bá rede Karketu liu husi Adikah Godwen lansa sota livre liña penalidade kotuk, maibé guarda Karketu Dili Fc Georgino da Silva blokea bá li’ur.
Hakat bá menutu 25 Martinho Belo les ona guarda rede Karketu Georgino da Silva, hafoin simu asistensia bola husi Eliasa Mesquita iha liña penalidade kotuk hodi hatur Skor bá 1-0.
Golu refere halo Karketu Dili Fc muda sira tatika jogu hodi hasai avansadu Mauriso Gonsalves hatama Celsio escurial reforsa liña klaran, enkuantu muda Gelvanio Albertu bá avansadu.
Ho mudansa ne’e Karketu hader hekas hodi duni tuir,ikus mai Paulo Galy doko duni guarda rede Assalam Fc Nathaniel Agbozo iha menutu 37 wainhira nia hetan bola husi Gelvanio Albertu hodi hatudu resultadu bá 1-1.
Hatudu eskor hanesan, halo ekipa Karketu Dili Fc hatudu jogu bola a’as, enkuantu Assalam Fc halimar bola badak ain bá ain halo deveza Karketu tenki sforsu ho kosar atu tahan Asslam nia presaun.
Paulo Galy Freitas hatudu nia jogu liu husi individu iha liña eskerda hodi tama to’o liña penalidade kotuk hodi lansa sota ho ain karuk,maibé bola kona de’it besi rin leten to’o premeru parte termina eskor mantein 1-1 bá ekipa rua.
Kontinua bá segunda parte,ekipa Assalam halo mudansa bá sira nia jogu hodi hasai Eliasa Mesquita,hodi subtitui fali Hasan Ramos.
Mudansa ne’e halo ekipa nia jogu ho ritmu hanesan,maibé Assalam Fc nafatin fó presaun bá Karketu liu husi sota livre no kantu.
Maibé Karketu mantein ritmu jogu ho bola a’as,ikus mai deveza Assalam Fc Adikah Godwen komité euru hasoru Paulo Galy Freitas iha iha liña penalidade kotuk, halo Arbitrazen Fransisco Pereira desidi bá sota falta.
Paulo Galy Freitas ne’ebé lansa sota falta ne’e konsege halo guarda rede Nathaniel Agbozo hamrik hateke bola monu bá rede hodi hakerek iha kuadru eskor bá 2-1 iha menutu 63.
Skor aumenta,maibé Asslam Nafatin hatudu sira nia jogu brilante hodi fó ameasa rede Karketu liu husi bola kruza ne’ebé mak Martinho Belo fó bá Hasan Ramos,maibé guarda rede Karketu Georgino da Silva salva tia bola husi nia ain.
Laiha tan golu rua bay ekipa rua hodi taka jogu segunda parte, vitória bá Karketu Dili Fc ukun 2-1.
Resultadu lori Karketu Dili Fc Rekoila Pontos 12, enkuantu Assalam Fc mantein ho Pontos 8.
Entertantu jogu tuir mai Karketu sei kontra Ad SLB Laulara hodi hodi hadau malu Kampiaun.
About Post Author
 oho Assalam Fc 2-1 halo Karketu Dili Fc ameasa Ad SLB Laulara bá títlu Kampiaun liga Timorense epoka 2022-2023.){kind=link}