Notísia (Desportu XYZ) Jogu husi ekipa rua entre AD SLB Laulara kontra AS Ponta Leste FC iha Estadiun Munisipal Dili, Sábado semana ne’e (12/04).
Ekipa husi AD SLB FC ne’ebé konsege hetan vitória ho eskor 1-0 hodi kontra AS Ponta Leste Fc.
Vitória ba AD SLB FC sai kandidatu ne’ebe mak forte ba titulu kampiaun primeru divizaun Liga Timorense Epoka 2022/2023, tanba asegura ona total pontus 17 hosi jogu 7.
Enkuantu husi jogu ne’e ekípa rua hatudu nia jogu ho ritmu ne’ebe mak furak iha kampu laran, halo adeptus sira mos hakilar ho kuriozu tebes.
Jogu ne’e husi ekipa AS Ponta Leste mos konsege amesa bola maibe difisil tebes atu hakat ba rede AD SLB, tanba defeza husi AD SLB Laulara nian la fo fatin atu halo bola liu.
Jogu kontinua AD SLB hatudu nia taktika jogu ne’ebe mak furak iha primeru parte maibe nafatin la marka golu.
No kontinua Jogu aumenta minutu 2 ba ekipa AD SLB ho AS ponta Leste FC maibe mantein ho scor 0-0.
Jogu tama segundu parte mos jogu kontinua manas hodi hatudu ida ida nia taktika jogu ho ameasa ba malu iha kampu laran maibe la marka golu ruma.
Hafoin tama ba minutu 80, sorte monu ba jogador númeru kamizola 10 husi AD SLB Mouzinho de Lima marka golu ida.
Husi ne’e AD SLB hatama nia golu 1 ba AS Ponta Leste ho eskor 1-0.
Jogu kontinua nafatin manas husi ekipa rua, maibe husi AS Ponta Leste FC la iha responde golu ruma to’o jogu remata.
Entertantu vitória ne’e lori AD SLB tur iha tabela klasifikasaun pontus 17 AS Ponta Leste mantein ho Pontus 10.
Ekipa sei sai kampiaun Divizaun 1 Liga Timorense 2022/2023 se ekipa Karketu Dili FC impata ka lakon ho ekipa Assalam FC, ne’ebe sei joga iha loron 16 Abril (aban).
About Post Author
