Dili-(Desportu XYZ) Klube As Ponta Leste hala’o nia jogu ikus iha liga Futebol Timor Leste Epoka 2022-2023 ho susesu halakon nia adversario Aitana Fc ho Skor 3-1.
Ho Derota ne’ebé Aitana Fc hetan halo klube refere hela ikus kontra Emmanuel Fc hodi sai husi jona mean.
Jogu hahú ekipa As Ponta Leste tun ho maioria jogador supleinte halo Aitana Fc ne’ebé mak halimar bola a’as ka long defesil atu hamate Ponta Leste nia ritmu jogu husi ain bá ain.
Maibe iha menutu 29 deveza As Ponta Leste Jaimitu Soares komité euru hasoru Jilson dos Reis iha liña penalidade laran halo Arbitrazen Eufrasio da Silva desidi bá penalidade.
Mamoudou Conde ne’ebé sai hanesan ezekutador sosesu hala’o nia nia serbisu ho di’ak hodi halis rede Ponta Leste Albinu Ximenis hodi hatur eskor bá 1-0.
Ho golu ne’e halo Aitana Fc lakoi Mantein sira nia jogu hodi salva sira rede maibé sira liña klaran ho deveza monu hodi biban Ponta Leste foti oportunidade.
Kontinua bá menutu 34 Lazario Ximenes lori Ponta Leste muda eskor bá 1-1,hafoin simu bola kruza husi Ejiviano da Costa.
Skor hanesan halo Aitana Fc nia ritmu jogu iha liña klaran no meudu atakante ladún hatudu sira nia jogu hodi halo avansadu susar atu hetan bola to’o premera parte termina eskor mantein 1-1 bá ekipa rua.
Kontinua bá segunda parte, trenador Aitana Fc José Fonseca halo mudansa bá jogador hodi hasai meudu Helder Valenti hodi hatama fali avansadu Miguel Araújo.
Mudansa ne’ebé trenador halo lori fali sorte a’at bá Aitana Fc,hafoin Jaimitu Soares Doko rede Aitana liu husi bola kabesada iha menutu 53 no Expeditu da Consencao iha menutu 66 hodi muda Skor bá 3-1 to’o jogu termina.
Vitória ne’e lori Ponta Leste tur iha pozisaun segundu ho Pontos 13, enkuantu Aitana mantein iha Jona Mean ho Pontos 4.
About Post Author
