DILI- (Desportu XYZ) Jogu liga Timorense segundu divizaun epoka tinan 2022/2023 Estadium Munisipal Dili Segunda ne’e (17-04), Nagardjo FC derota ho AS Marca FC ho Eskor 1-0.
Hafoin Jogu primeiru parte hahu husi ekipa Nagardjo FC domina bola hodi ameasa kedas ba ba ekipa AS Marca maibe la iha sorte hodi konsege marka golu ruma.
Tuir fali mós Nagardjo konsege Hatama golu maibe golu refere la vale (Out side).
Kontinuasaun jogu ameasa husi Nagardjo nian maka husi ekipa AS Marca mos hatudu nia jogu taktika bola ain ba ain hodi ameasa ba nia adversáriu maibe, maibe la marka golu to’o jogu primeiru parte remata ho skor 0-0.
Kontinuasaun tama ho jogu segundu parte husi ekipa rua, Nagardjo FC halimar ho bola ain ba ain (tiki-taka) no husi AS Marca ho bola naruk (long ball) maibe nafatin hatudu deit mak ameasa, la iha ida mak fura rede ruma husi jogu refere.
Hafoin tama ba minutu 48 jogador husi AS Marca FC numeru kamizola 11 Ezaquel da Cruz maka fura rede ba baliza Nagardo FC nian no muda eskor 1-0.
Golu refere husi bola ain ba ain halo adeptus sira kontenti hakilar AS Marca manan AS Marca manan.
Enkuantu golu husi AS Marca nian mak úniku golu iha jogu ne’e no la iha tan golu seluk, husi Ekipa Nagardjo FC mos la iha golu responde ruma to’o jogu segundu parte remata.
Entertantu jogu segundu divizaun ne’e AD Marca FC lidera tabela klasikasaun ho pontus 16 no Nagardjo FC nafatin ho pontus 5.
Rezultadu ne’e jogu ne’e halo AS Marca FC posibilidade sai kampiaun se DIT FC falla iha jogu hasoru Lika-Lika Lemorai FC iha loron Kinta 20 fulan Abril semana ne’e.
AS Marca FC falta tan jogu ida iha semana ikus LFTL Divizaun 2 hasoru Lika-Lika Lemorai FC.
DIT FC iha fatin segundu tabela klasifikasaun LFTL Divizaun 2 epoka 2022/2023 ho pontus 13 no ekipa DIT sei falta jogu 2 atu joga.
Tabela Klasifikasaun Divizaun 2 LFTL 2022/2023
About Post Author
