Dili-(Desportu XYZ) Klube As Marca hala’o nia jogu ikus iha Liga Timorense segundu devizaun epoka 2023 ho vitória 1-0 kontra Lica-Lica Lemorai iha Estadiun Munisipal Dili kinta semana ne’e.
Jogu premera parte As Marca defesil tebes atu hatudu sira nia jogu iha meudu defensivu no deveza tanba sira hatun jogador maioria supleinte.
Lica-Lica domina bola hodi sobu deveza As Marca hodi halo sota ameasa dala tolu,maibé ida mak konsege golu liu husi Andre Sarmentu no golu refere Arbitu Joao Paulo da Costa anula golu ne’e tanba antes ne’e iha hela Offsaid.
Iha menutu 30 trenador As Marca Octavio da Costa halo mudansa bá jogador hodi hasai jogador supleinte hatama fali avansadu Carol Nacsimentu no Ezaquel da Cruz.
Mudansa ne’e lori duni resultadu bá As Marca,wainhira hakat bá menutu 35 Ezaquel da Cruz halis ona rede Lica-Lica liu husi Cabesda,hafoin hetan bola cruza husi Carol Nacsimentu hodi hatur eskor 1-0 to’o premera parte termina.
Kontinua bá segunda parte trenador Lica-Lica Lemorai Nelson Soares muda estratéjia jogu hodi hasai deveza aumenta avansadu hodi duni tuir eskor.
Husi estratéjia jogu sira ne’e Lica-Lica hala’o iha anin leten, enkuantu As Marca mantein sira nia jogu hodi tahan sira nia rede labele nakles.
Lica-Lica halo tentativa beibeik bá rede As Marca liu husi sota falta,kantu no sota livre,maibé bola hirak ne’e ida de’it mak konsege albun tanba guarda rede As Marca Alexandre Quintao konsege baku sai ba li’ur.
Esforsu husi ekipa rua atu hetan golu,maibé to’o jogu termina Skor mantein 1-0 bá As Marca. Resultadu ne’e lori As Marca rekoila ona Pontos 19 iha jogu ikus,enkuantu Lica-Lica Lemorai ho Pontos Pontos 7 no sei hein jogu kontra DIT Fc.
About Post Author
