Dili-(Desportu XYZ) klube Karketu Dili Fc ho naran Istimadu Matak Malirin Lakateu sai Kampiaun bá Liga Timorense Epoka 2022-2023, hafoin halakon Fc Portu Taibesi ho Skor 1-0.
Jogu entre ekipa Karketu Dili Fc kontra Fc Portu Taibesi halao iha estadiun munisipal Dili sesta (28/04)
Jogu inisiu ekipa Fc Portu Taibesi hatudu sira tatiku jogu ho a’as ka long, enkuantu Karketu Dili Fc halimar bola badak husi ain bá ain, maibé Paulo Galy Freitas susar ultarapasa Fc Portu nia deveza.
Portu fó uluk ameasa bá Karketu liu husi jogador Yohanes Jehaman, maibé bola ne’ebé nia sota husi parte eskerda sei hetan salva husi guarda rede Ricardo Nunes.
Matak Malirin fila halo sira nia kontra ataka fila bá rede Portu Taibesi liu husi Paulo Galy Freitas nia sota livre iha liña penalidade kotuk, maibé guarda rede Narcio das Dores antesipa bola hodi sai bá li’ur.
Paulo Galy nia garida halo defeza Portu Taibesi tenki atrapaliha,hafoin kruza bola iha parte skerda bá Janneth Kámare,maibé bola ne’ebé nia sota ho guarda rede mesak sei salva husi Márcio das Dores to’o jogu termina premera parte Skor 0-0.
Kontinua bá segunda parte,defeza Fc Portu Miguel Silva hetan kartaun mean, wainhira komete euru kontra Zelvanio Albertu iha liña penalidade kotuk hodi halo Arbitrazen Fransisco Pereira duni sai Jogador husi kampu.
Karketu Dili Fc foin hetan oportunidade iha menutu 85 hodi les rede Fc Portu Taibesi liu husi Gaudensio Monteiro hafoin aproveita bola baruliho hodi fora guarda rede Márcio das Dores hodi termina jogu vitória bá Karketu 1-0.
Rezultadu ne’e lori Karketu Dili Fc sai Kampiaun bá Liga Timorense Epoka 2022-2023 ho Pontos 18.
About Post Author
