DILI- (Desportu XYZ), defeza Ad SLB Laulara Filipe Oliveira Lori tristeza bá nia ekipa iha menutu 9+7, hafoin Fc Portu Taibesi halo mudansa bá Skor 1-1 liu asaun sota Penalidade Edensio da Costa.
Jogu entre Fc Portu Taibesi kontra Ad SLB Laulara hala’o iha estadiun munisipal Dili sesta (24/03)
Jogu foin la’o de’it minutu 14 Alexandre Ima Kefi lori Ad SLB ukun ona Skor bá 1-0, hafoin simu asistensia bola husi Mouzinho da lima iha parte eskerda.
Ho Skor ne’e halo Adepotos sira kontinua hakilar hodi fó soporta sira nia ekipa halo jogu tensia A’as liu tan.
Iha minutu 20 sorte a’at monu bá Ad SLB Laulara, hafoin kapitaun Mouzinho da lima hetan kartaun kinur bá dala rua halo Arbitrazen Pedro Maia Carvalho duni sai Mouzinho iha kampu laran.
Hela Jogador nain 10, halo Fc Portu Taibesi aproveita oportunidade hodi domina bola ain bá ain halo Ad SLB tenki tun hotu ba iha sira nia grande area atu salva rede labele nakles.
Fc Portu Taibesi nia joagada ain bá ain, maibé labele sobu liña defeza Ad SLB tanba Filipe ho nia klega sira la fó oportunidade bá avansadu Fc Portu Taibesi atu ultrapasa bá sira nia rede to’o termina premera parte eskor mantein 1-0.
#ClubMWDLGFGAGDPt186021679182850321101115385211311214484131394135832311110116832389-11178224813-5888125915-65981161125-144
Haksoet bá Segunda parte Ad SLB halo mudansa tatika jogu hodi fó fali presaun Fc Portu Taibesi,hafoin Kornelis Portela atu fora rede Portu,maibé bola nia ne’ebé nia sota guarda rede Juvensio Henrique salva bola husi nia ain.
Menutu 70 Fc Portu Taibesi lakon nia jogador meudu defensivu Frederico Sila, hafoin hetan kartaun kinur bá dala rua,halo ritmu jogu bá ekipa komesa manas liu tan.
Ho Jogador hanesan bá ekipa rua, ikus mai Filipe Oliveira lori tristi bá Ad SLB hafoin nia hamonu Jogador estranjeiru Yohanes Jehaman iha garis penalidade laran iha menutu 90+7 halo Arbitrazen Pedro Maia Carvalho desidi bá sota penalidade.
Jogador Edinsio da Costa ne’ebé sai hanesan ezekutador susesu lori Fc Portu Taibesi halo Skor bá 1-1 to’o jogu termina.
Resultadu ne’e lori Ad SLB lidera tabela klasifikasaun Provezorio liga Timorense ho Pontos 8, enkuantu Portu Taibesi ho Pontos 7.
About Post Author
 defeza Ad SLB Laulara Filipe Oliveira Lori tristeza bá nia ekipa iha menutu 9+7, hafoin Fc Portu Taibesi halo mudansa bá Skor 1-1 liu asaun sota Penalidade Edensio da Costa.){kind=link}