DILI- (Desportu XYZ) Klube premeru devizaun Assalam Fc Lidera Tabela klasifikasaun Provezorio liga Timorense epoka 2023 ho Pontos 8,hafoin fahe Pontos 1-1 ho Akademica Fc.
Jogu entre Assalam Fc kontra Akademica Fc hala’o iha estadiun munisipal Dili kinta (23/03)
Jogu foin hahú de’it menutu balun Akademica Fc atu lidera ona eskor,hafoin jogador Juvenal Boavida atu fora rede Nathaniel Agbozo,maibé bola ne’ebé nia sota liu de’it besi rin hun.
Jogu kontinua manas liu tan,hafoin Adepotos husi ekipa rua hakilar iha tribun leten hodi fó apoiu bá ida-idak nia ekipa.
Apoiu husi Adepotos halo Assalam Fc hala’o jogu iha anin leten,hafoin Elias Mesquita lansa bola kruza husi karuk bá Martinho Belo,maibé bola ne’ebé nia sota liu de’it besi rin nia sorin.
Esforsu ne’ebé mak Martinho Belo halo,konsege doko rede Akademica Fc iha menutu 39,hafoin simu asistensia bola husi Asam Ramos hodi lori Asslam Fc ukun Provezorio eskor 1-0 to’o termina premera parte.
Jogu hahú segundu parte, trenador Akademica Fc Lousinho dos Santos muda tatika jogu ho bola badak,halo Assalam Fc ne’ebé mak uza tatiku jogu ho bola a’as tenki monu bá Akademica nia jogu.
Mudansa ne’ebé mak trenador Lousinho muda,lori duni sorte bá Akademica Fc,hafoin deveza Assalam Fc Husen Costa hamonu Nortei Cojo iha liña penalidade laran halo Arbitrazen Fransisco Pereira desidi bá sota penalidade.
Jogador Damianus Putra sai hanesan ezekutador susesu fora rede Nathaniel Agbozo iha menutu 46 hodi muda eskor bá 1-1.
Eskor muda bá 1-1,halo Akademica Fc fiar A’an liu tan hodi hatudu jogu brilante halo Assalam Fc nia jogu monu iha liña klaran.
Menutu ikus atu termina jogu Akademica Fc tenki lakon nia jogador Calistro Pereira tanba hetan kartaun mean,hafoin hetan kartaun kinur bá dala rua.
Assalam Fc buka oportunidade atu duni tuir eskor,maibé Akademica Fc domina liu bola to’o oras termina eskor mantein 1-1 bá ekipa rua.
Tabela Klasifikasaun Liga Timorense Divizaun 1 2022/2023
About Post Author
