DILI-(Desportu XYZ) jogador singante Paulo Galy Freitas hatudu fali nia Prestaun kontra Aitana Fc, hafoin nia oferese golu rua bá nia ekipa Karketu Dili Fc hodi halakon Aitana Fc ho eskor 3-1.
Jogu entre ekipa rua ne’e halo estadiun munisipal Dili kuarta (22/03) Jogu foin la’o de’it menutu 3 Paulo Galy Freitas Doko ona rede Aitana Fc, hafoin simu asistensia bola kruza husi Janneth Kámare halo guarda Aitana Fc Celestinu da Costa labele salva bola ho di’ak, ikus mai eskor Karketu nian muda bá 1-0 eskor ne’e halo armada Matak Malirin hasai tan intesidade jogu liu husi bola ain bá ain halo nia adversariu Aitana tenki hasai sira nia liña defensivu hodi salva sira nia rede labele nakles.
Karketu Dili Fc ne’ebé mak hala’o jogu iha anin leten, halo Aitana Fc sofre tan golu ida, hafoin Zelvanio Alberto les rede Celestinu da Costa iha minutu 13 hafoin simu asistensia bola husi Paulo Galy Freitas hodi lori Matak Malirin ukun primera parte ho eskor 2-0.
Kontinua bá segunda parte trenador Aitana Fc José Fonseca halo mudansa bá jogador, ikus mak lori duni rezultadu bá Aitana Fc hafoin auto golu (oho a’an) Zacarias Cabral hodi haihis eskor bá 1-2.
Golu ladura kleur, hafoin Paulo Galy Freitas hakerek tan nia naran iha kuadro eskor hodi lori Matak Malirin lidera eskor bá 3-1 to’o jogu remata.
Rezultadu ne’e lori Karketu rekoilla ona Pontos 6, enkuantu Aitana Fc ho Pontos 4.
About Post Author
