DILI-(Desportu XYZ) klube premeru devizaun As Ponta Leste ne’ebé mak ikus liu iha tabela klasifikasaun Liga Timorense, maibé ohin sai ona husi risku hafoin hamonu Emmanuel Fc ho eskor 3-1.
Jogu entre ekipa rua ne’e hala’o iha Estadiun Munisipal Dili tersa (21/03)
Jogu hahú Ekipa As Ponta Leste hala’o jogu ho kalma liu husi tatiku ne’ebé trenador Lourensu da Costa orienta bá jogador atu uza bola a’as ka long hodi hamate Emmanuel Fc nia jogu ne’ebé ho ain bá ain.
Iha minutu 21 Ponta Leste hurlele ona rede Emmanuel Fc liu husi jogador númeru (21) Luis Ribeiro hodi lori Ponta Leste lidera 1-0.
Sofre ona golu, maibé la hamate Emmanuel Fc nia mentalidade jogu, Hafoin Edit Savio lansa suta livre ida bá rede As Ponta Leste, maibé bola ne’ebé nia suta hetan salva husi Pablo de Jesus.
Jogu kontinua manas liu tan bá ekipa rua, maibé Ponta Leste domina liu bola iha grande area Emmanuel Fc nian hodi fó ameasa beibeik bá guarda rede Carvarinho Fernandes liu husi sota kantu,falta no sira livre.
Ho ameasa sira ne’ebé mak Ponta Leste halo,maibé Emmanuel Fc kontinua nafatin sira nia jogu hodi salva rede to’o oras termina premera parte.
Kontinua bá segunda parte ekipa Emmanuel fc halo mudansa bá jogador,maibé jogador sira ne’e lori fali sofre bá Emmanuel Fc,hafoin liu de’it menutu 64 Ricardo Bianco simu asistensia bola kruza husi Expeditu da Consencao hodi fora rede Emmanuel Fc,ikus mai eskor muda bá 2-0.
Eskor aumenta, halo Emmanuel hasai tan ritmu jogu hodi halo jogu lais bá rede Ponta Leste, maibé deveza Ponta Leste mantein sira defensivu halo Edit Savio susar atu ultrapasa.
Minutu 73 Jaimito Soares lori Ponta Leste lidera eskor bá 3-0 hafoin bola mota sai husi guarda rede Emmanuel Fc Carvarinho Fernandes nia liman.
Emmanuel Fc ne’ebé mak duni tuir eskor,ikus mai jogador Angelitu Tilman lori Emmanue Fc fera eskor bá 1-3 iha minutu 75.
Ho resultadu ne’e lori Ponta Leste rekoila ona Pontos 4 husi jogu manán ida, inpata ida lakon rua, enkuantu Emmanuel Fc mantein ho Pontos 6, husi jogu manán rua lakon rua.
Full Time
About Post Author
 klube premeru devizaun As Ponta Leste ne'ebé mak ikus liu iha tabela klasifikasaun Liga Timorense, maibé ohin sai ona husi risku hafoin hamonu Emmanuel Fc ho eskor 3-1.Jogu entre ekipa rua ne'e hala'o iha Estadiun Munisipal Dili tersa (21/03)){kind=link}