DILI-(Desportu XYZ) jogu segundu devizaun Liga Futebol Timor Leste entre Zebra Fc ho Lica-Lica Lemorai termina ho eskor 0-0 iha estadiun munisipal Dili Domingu (19/03)
Jogu hahú ekipa rua mai ho anbisaun ida hakarak rekoila Pontos tolu hodi asegura tabela klasifikasaun iha liga Timorense epoka 2022-2023.
Iha jogu refere ekipa Lica-Lica Lemorai domina liu bola iha grande area Zebra Fc nian hodi fó ameasa bá guarda rede Zebra Fc Belmiru Belo liu husi jogador númeru kamizola 22 Liborio Jeronimu ne’ebé mak halo ameasa perigu bá rede Zebra Fc.
Ameasa husi Lica-Lica, maibé Zebra Fc kontinua hatudu sira nia jogu ho kalma hodi uza bola long ka A’as hodi hamate Lica-Lica nia jogu iha meu kampu to’o termina jogu eskor mantein 0-0 bá ekipa rua.
Kontinua bá segunda parte,trenador husi ekipa rua koko muda estratéjia jogu hodi troka deveza hatama Avansadu hodi reforsa liña avansadu.
Ho estratéjia ne’ebé mak trenador nain rua halo, Lica-Lica nafatin domina bola hodi sira livre dala lima,Kantu ha’at no falta dala tolu,maibé bola ida de’it mak konsege kona albun.
Iha menutu ikus atu termina jogu sorte a’at akontese bá Zebra Fc,hafoin jogador Nicodemos Pereira hamonu jogador Lica-Lica Miguel Barreto iha garis penalidade nia laran halo Arbitrazen Pedro Braga desidi bá sota penalidade.
Jogador númeru kamizola 22 Liborio Jeronimu ne’ebé mak sai hanesan ezekutador failha Marka golu tanba guarda rede Belmiru Belo konsege salva bola ho di’ak to’o jogu termina eskor mantein 0-0.
Resultadu ne’e lori Zebra Fc tur iha tabela klasifikasaun terseru ho Pontos 4, enkuantu Lica-Lica Lemorai okupa kuarta Klasifikasaun ho Pontos 4.
About Post Author
