Desportu.XYZ- Iha jogu kontinuasaun ba datoluk, Liga Timorense divizaun 2, Sábadu (18/03) ne’e iha estádiu Munisipal Dili lorokraik, entre As Marca kontra DIT Fc, ekipa rua fahe pontu 3 hanesan, hafoin impata 1-1.
Nune’e, ekipa DIT sei mantein provizoriu okupa iha tabela klasifikasaun ho pontu 7, ho golu 7 husi jogu 3, enkuantu As Marca ho pontu 7, no golu 4, no hala’o ona jogu 3.
Iha jogu inisiu, primeira parte hahú, ekipa rua hatudu sira nia tátiku no tékniku jogu hodi halo kontra atake ba malu, liu husi lansa bola as. Maibé la fó ameasa ba guarda rede ida-idak nian.
Enkuantu iha jogu ne’e, ekipa As Marca iha ambisaun boot, hakarak fura rede DIT Fc, liu husi lansa bola as, no tenta tama área grandeal DIT Fc, maibé la rezulta golu ruma tanba liña defeza DIT sei matein liña ho di’ak, no hatudu jogu ho disiplina.
Nune’e to’o jogu primeira parte deskansa, ekipa rua mantein ho score 0-0.
Kontinu ba segundu parte, armada As Marca halo asaun dramatiku tebes, liu husi bola ameasa ba adversáriu nia guarda rede, hafoin liña defeza DIT Fc nian, ne’ebé la kontrola bola ho di’ak.
Ho asaun bola dramatiku ne’e halo adeptu husi Às Marca anima tebes, hodi haklalak iha tribun leten atu fó apoiu sira nia ekipa bele fura rede DIT Fc nian.
Maske nune’e, DIT Fc mós lakohi lakon dignidade, hodi esforsu no lansa bola tama área grandeal As Marca, maibé la hatudu rezultadu golu ruma.
Hakat ba iha minutu “82”, As Marca konsege fura rede DIT Fc nian, hodi muda score 1-0, liu husi jogadór Oktavianos Consalves (24), hafoin aproveita bola cruza tama área grandeal DIT Fc nian, husi nia belun Ronald Gusmão (22).
Hafoin ekipa DIT sofre golu, halo jogu kontinu ho intensidade sa’e, tanba ekipa DIT hatudu asaun kontra atake ba adversáriu atu bele halo mudansa ba score hanesan. Maibé la iha dalan ba sira, tanba udan hahú boot no halo kampu laran nakonu ho bee, nune’e halo bola labele movimentu ho di’ak.
Maske iha kampu laran nakonu ho bee, ekipa As Marca nia jogadór matein hatudu sira nia jogu atu fura tan rede DIT Fc, maibé la hetan oportunidade bola ho di’ak.
Tanba ne’e to’o oras normal “90”minutu remata, no aumenta hikas ba minutu “5” ba (extra time), lori sorte di’ak ba ekipa DIT Fc, tanba jogadór As Marca Claudio Faria (7) halo golu rasik ba nia ekipa “on gol’, iha minutu “90+3, hodi muda score hanesan 1-1.
Nune’e to’o jogu segundu termina, ekipa rua mantein score 1-1.
About Post Author
 ne’e iha estádiu Munisipal Dili lorokraik, entre As Marca kontra DIT Fc, ekipa rua fahe pontu 3 hanesan, hafoin impata 1-1.){kind=link}