Desportu.Xyz- Santa Cruz Fc susesu rekolla pontu 3 dahuluk, iha jogu jornada dahaat, hafoin halakon Kablaki Fc ho score 1-0, Liga Timorense divizaun 2, époka 2022-2023,
Jogu entre Santa Cruz Fc kontra Kablaki Fc, ne’ebé hala’o iha estadium Munisípal Dili, Sexta (17/03) ne’e, iha inisiu jogu primeira parte, ekipa rua iha ambisaun boot hodi lansa kontra atake ba malu liu husi tátiku no tékniku ida-idak nian atu bele produs golu iha jogu refere.
Enkuantu Kablaki Fc, hanesan ekipa ne’ebé iha mehi boot hakarak rekolla tan pontu 3 husi nia adversáriu, hodi bele hetan pontu 6, maibé la konsege bele produs golu ruma, tanba jogadór sira la hatudu sira nia ritmu jogu ho di’ak tanba hamosu bola fallansu barak iha liña defensivu armada Santa Cruz nian.
Nune’e mós Santa Cruz Fc, esforsu atu produs golu, maibé lá iha oportunidade ba sira atu lansa bola livre ba rede Kablaki Fc nian.
Tanba ne’e to’o jogu segundu parte desknsa, ekipa rua mantein score 0-0.
Kontinua ba jogu segundu parte, armada Santa Cruz, tenta muda nia jogu no halo subtituisaun ba nia guarda rede no jogadór sira hodi lansa kontra atake ba Kablaki FC, maibé la rezulta golu ruma.
Enkuantu Kablaki Fc mós kontinu esforsu no tenta lansa bola aas ba nia adversáriu, maibé jogadór avansadu sira bele ezekuta bola tama area grandeal liña defensivu armada Santa Cruz nian.
Sorte ba Santa Cruz, liu husi jogadór Luís Figo fura rede Kablaki Fc nian, iha minutu “78”, hafoin aproveita bola barullu iha área grandeal Kablaki Fc nian.
Hafoin Kablaki Fc sofre golu ne’e, obrigado tenki esforsu no tenta atu muda score, maibé la rezultadu ba sira.
Tanba ne’e to’o jogu segundu parte termina, vitória ba Santa Cruz Fc score 1-0. (Vidal Amaral).
About Post Author
