Notísia Desportu Xyz (19/04/2023) Jogu Divizaun 2 Liga Futebol Timorense epoka 2022/2023 Stadium Munisipal Dili Kuarta feira ne’e husi ekipa Kablaki Fc ho Fitun Estudante Lorosae (FIEL), vitória ba ekipa FIEL ho eskor 2-1.
Jogu hahu iha primeira parte husi ekipa rua responde malu bola husi ain ba ain no tama ba minutu 5, Kablaki komesa ameasa ba rede Fitun Estudante Lorosae nian, maibe baliza konsege salva bola ho diak .
Entretantu kontinua jogu hetan suta husi númeru kamizola 17 Dionizio da Costa ba rede Fiel nian maka Kona defeza husi Kablaki númeru kamizola 19 Ludivino Gama nia liman maka arbitru Candido de Carvalho hasai desizaun fó penalidade iha lina 16 nia laran.
Suta penalidade nafatin husi numeru kamizola 17 Dionizio da Costa iha minutu 26 muda skor 1-0.
Tuir husi FIEL FC mos responde kedas golu iha minutu 31 husi numeru kamizola 24 Expedito Ximenes ba Kablaki FC nia rede no skor muda ba 1-1.
Ekipa rua fahe skor hánesan maka jogu komesa manas liu tan husi ekípa rua fo ameasa ba malu no tempu normal primeira parte termina no árbitru aumenta minutu tolu maibe nafatin mantein ho skor 1-1 to’o jogu primeiru parte remata.
Kontinua ba jogu segundu parte la kleur deit husi FIEL FC jogador numeru kamizola 24 Expedito Ximenes suta husi kampu ninin liman karuk nian maka númeru kamizola 16 Geovanio Freitas hetan bola no marka golu ho ulun iha minutu 50 hodi muda skor 2-1.
Ekipa rua nafatin fo ameasa ba malu maibe to’o tempu normal minutu 90 ramata no árbitru aumenta minutu extra lima mos la iha tan marka golu seluk, no mantein ho skor 2-1.
Pontu 3 ba Fitun Estudante Lorosa’e FC ne’e lori ekipa FIEL sa’e ba pozisaun da-3 iha tabela klasifikasaun provizóriu LFTL 2022/2023 ho pontos total 8 husi jogu 6 ne’ebé ekipa FIEL joga ona.
Derota Kablaki FC ne’e halo ekipa mantein iha okos tabela klasifikasaun no jogu ikus iha jornada da-7 iha semana ikus hasoru ekipa Kablaki sei hasoru Zebra FC, ekipa Kablaki manan jogu ikus ne’e hodi bele sai husi zona mean.
Tabela Klasifikasaun Divizaun 2 LFTL 2022/2023
About Post Author
