Dili-(Desportu XYZ) orgaun Liga Futebol Timor Leste LFTL la responde karta ne’ebé mak klube AD SLB Laulara submete hodi husu jogu kontra Karketu Dili FC tenki adia hodi hein jogu Sea Games remata tanba jogador nain 8 mak reforsa selesaun nasionál Timor-Leste.
Karta ne’ebé mak AD SLB submete bá LFTL ne’e iha buat rua mak sira bá LFTL katak, ida jogu kontra Karketu antes selesaun nasionál sai, rua depois sira fila husi Sea Games, maibé karta refere la hetan resposta husi LFTL.
Tanba ne’e mak ohin jogu entre AD SLB kontra Karketu Dili FC iha jornada ikus AD SLB nian tenki kansela husi Sekretáriu Jerál AD SLB.
Tuir Sekretáriu Jerál AD SLB Domingos Caiero, informa razaun fundamental bazeia ba SLB nia karta ne’ebé mak hatama iha iha loron 3 fulan Abril liu ba hodi husu LFTL atu koordena ho Federaasaun Futebol Timor Leste kona-ba ba ekipa selesaun atu ba try out iha Tailandia.
“Iha loron 4 fulan Abríl ami iha duni enkontru ida ne’ebé mak LFTL mak organiza no prezensa husi Sekretáriu Jerál FFTL Gregorio Correa no Director tekniku FFTL Gaspar Quintao no koordenador jeral LFTL Octavio da Consencao no Sekretariu Exekutivu Interinu Janio no Cordenador jerál LFTL Martinho Ribeiro” afirma Sekretáriu Jerál AD SLB bá Desportu.XYZ liu husi via Whatsaap Sesta ne’e.
Nia haktuir, momentu ne’e hau ho treinador Arif, husi Ponta Leste Ozorio Florindo, Karketu delega deit treinador Antonio Timotiu no iha enkontru ne’e SLB fo opsaun rua, ida Jogu SLB ho Karkertu antes ekipa nasional sai ou depois sira fila husi Sea Games, maibé laiha desizaun tamba treinador laiha kompetensia atu simu ou rejeita.
Tanba ne’e AD SLB enkontru ne’e laiha desizaun ida kona ba asuntu ne’ebé SLB koloka, ida ne’e mak lao mai to’o ohin loron.
Entertantu, jogador husi klube AD SLB nian ba kompete iha eventu Sea Games tinan ne’e mak hanesan, Alexandre Ima Kefi, Kornelis Portela, Jhon Fryth, Zenivio Mota, Alexandre Lemos no seluk tan.
About Post Author
