Dili-(Desportu XYZ) klube ne’ebé mak reprezenta Munisípiu Baucau Zebra FC halakon Kablaki FC ho Skor 4-2 iha jogu jornada ikus segundu divizaun Liga Timorense Epoka 2022/2023.
Jogu entre Zebra FC ho Kablaki FC hala’o iha estadiun munisipal Dili, Kuarta (26/04).
Jogu hahú Ekipa Kablaki FC domina liu bola, kompara ho Zebra FC ne’ebé ladún hetan bola iha liña klaran, maibé defeza Zebra FC la fó fatin bá Kablaki FC atu ultrapasa.
Kontinua bá minutu 20 Juliao Ximenis lori Kablaki FC atu doko rede Zebra FC, maibé bola ne’ebé mak jogador ne’e atu kedok guarda rede, maibé Joao Marcal hasai bola husi nia ain.
Kablaki FC kontinua hatudu sira nia jogu hodi fó presaun bá Zebra FC nia área defensivu liu husi asaun avansadu Juliao Ximenes hodi fó bola bá kompaneru Deonizo da Costa, maibé bola ne’ebé nia suta liu de’it besi rin.
Ho ameasa ne’ebé mak Kablaki FC kria la rezulta golu ruma.
Zebra FC fila aproveita udan habokon kampu, hodi fura golu ha’at tuir-tuir malu bá rede Kablaki FC liu suta husi penalidade Deonisio da Silva minutu 40, Gabriel Belo kabesada minutu 41, Helio Ribeiro minutu 44 no Helio Ribeiro minutu 45 to’o termina primeira parte Zebra lidera ho skor 4-0.
Kontinua bá segunda parte, treinador Kablaki FC Nazario Araújo halo mudansa bá jogador hodi hasai defeza aumenta avansadu no sorte aat mos ba Zebra, tama ba minutu 55 Vasco Boavida jogador Zebra FC kamizola numeru 2 ne’e hetan kartaun kinur daruak no arbitru hasai kartaun mean no Vasco sai husi kampu.
Lakon jogador ida hosi Zebra no ho mudansa ne’ebe Kablaki FC halo responde golu rua bá rede Zebra FC liu husi Elidio Manuel iha minutu 53 no Rui Gusamao minutu 70 hodi hamihis skor bá 4-2 to’o jogu termina.
Vitória ne’e lori Zebra taka jogu ho pontos 8, enkuantu Kablaki FC mantein ho pontos 3. Derota Kablaki dala nen tutuir malu ne’e halo ekipa Kablaki tenke satisfaz hela iha tabela klasifikasaun nia okos.
Tabela Klasifikasaun LFTL Divizaun 2
About Post Author
