Notisia Desportu XYZ (09-04-2023) – Jogu Segundu divizaun Liga Futebol Timor Leste (LFTL) Stadium Munisipal Dili Domingu semana ne’e husi DIT FC la adivinha ba Kablaki Fc ho eskor 5-1 to’o kompleta minutu 90.
Hahu Jogu husi DIT FC domina bola ho eskor 5-1 tanba DIT FC hare ba Kablaki Fc hánesan babain no ohin hatudu duni rezultadu golu 5 to’o tempu mak fahe ekipa rua husi jogu refere.
Assisten Treinador DIT FC Jacinto Belo imforma ba Jornalista sira katak, nia Ekipa Jogador hasoru Kablaki Fc ne’e babain vitória hela feito tanba ne’e la sura Kablaki FC, no n prepra maximu mak jogu tuir mai hasoru Ekipa Lica-Lica Fc.
“Iha babak pertama ne’e jogu ladun diak, lolos ne’e ami hatama golu barak, maibe ami nia jogador Angap Kablaki reme liu, ne’ebe jogu ladun maximu, ne’ebe tuir mai ami hasoru mak Lica lica, tanba Lica Lica FC ne’e team ida ne’ebe mak maka’as liu, entau ami mos tenke prepara maximu nune’e ami bele manan sira,” Katak Assisten Treinador DIT FC Jacinto Belo Ba Jornalista sira iha Stadiun Munisipal Dili, Domingu (09/04).
Iha sorin seluk husi Asistente treinador Kablaki Fc Najario de Araújo komentariu, rekonese duni nia ekipa nia failansu ne’ebe mak iha parte mentalidade no fisiku jogador sira nian, tanba ne’e jogu tuir nia ekipa sei preparadu.
Jogu ba segundu divizaun ne’ebe mak bbserva husi jornalista XYZ nian katak, husi DIT FC domina bola husi ain ba ain to’o tama ba minutu 12 numeru kamizola 9 Elvis da Silva marka golu dahuluk ba rede Kablaki Fc ho Eskor 1 -0
No tama ba minutu 13 husi númeru kamizola 44 Bonaventura Klau marka tan golu muda Eskor 2-0 to’o jogu primeiru parte remata.
Jogu segundu parte nafatin DIT FC domina bola husi ain ba ain no mos bola as.
Iha minutu 48 defesa husi Kablaki Fc númeru kamizola 10 Jorge Alves hetan segundu kartaun kinur no arbitragem Candido De Carvalho duni sai kedas husi kampu láran.
No jogador husi Kablaki Fc menus maka jogu fo livre tan ba DIT FC hodi ameasa no halimar golu iha jogu refere.
No tama ba minutu 59 husi número kamizola 11 Rui Da Costa fura tan rede Kablaki Fc nian ho Eskor 3-0.
Liu deit minutu 4 Numeru kamizola 7 José dos Santos marka tan golu iha minutu 63 hasae tan Eskor 4-0.
Enkuantu ba minutu 81 husi Kablaki Fc konsega marka golu ida netik husi númeru kamizola 11 Jose Kampos ho eskor 4-1.
DIT FC nafatin mantein hatudu jogu ho diak, tanba ne’e liu deit Minutu 2 DIT FC komesa responde kedas golu ida tan muda eskor 5-1 iha minutu 83 husi númeru kamizola 9 Elvis da Silva.
Maske aumenta Minutu 2 husi DIT FC la fo fatin ba Kablaki Fc hodi marka golu to’o jogu remata ho Eskor 5-1.
About Post Author
