DILI – (Desportu XYZ) Arsenio Amaral salva nia ekipa Santa Cruz kontra Fitun Estudante Lorosae ho Skor 1-1 iha jogu ne’ebé mak hala’o iha estadiun munisipal Dili, Segunda (10/04).
Jogu hahú liu minutu3 Paul Godinho atu fora rede Fitun Estudante, hafoin nia mesak ho guarda rede Vitor do Rego, maibé bola ne’ebé nia sota sei salva husi guarda rede nia liman tutun hodi sai bá li’ur.
Santa Cruz ne’ebé mak domina bola ain bá ain iha area defensivu Fitun Estudante, maibé susar atu ultrapasa bá liña defeza.
Ameasa ne’ebé mak Santa Cruz halo liu husi bola badak, maibé Fitun Estudante hamate sira nia jogu hodi halo Ameasa perigu dala husi Livio Dias,maibe guarda rede Henanio Tilman hatudu nia performa diak hodi bola mota sai bá li’ur.
Iha ne’ebé Fitun Estudante nia jogu komesa iha anin leten hodi guarda rede Fitun Estudante Hernanio Tilman iha minutu42 hodi termina premera parte ho Skor 1-0.
Hakat bá segunda parte, trenador Santa Cruz Moises da Silva muda estratéjia jogu hodi uza bola long ka a’as hodi duni tuir Skor, maibé trenador Fitun Estudante Hermelio Consencao mantein ho ritmu jogu ho bola a’as.
Ladura kleur, Santa Cruz responde kedas golu bá rede Fitun Estudante liu husi jogador Arsenio Amaral iha minutu 54, hafoin nia aproveita bola barullu iha liña penalidade laran hodi hetan golu.
Skor sai bá 1-1 halo ekipa rua nia ritmu jogu sa’e, maibé Santa Cruz domina liu bola hodi fó ameasa beibeik bá rede Fitun Estudante liu suta falta, kantu no suta livre, maibé bola rua de’it mak konsege kona albun.
Fitun Estudante mós fó ameasa perigu dala tolu bá rede Santa Cruz liu sota falta Dionisio Lopes, maibé kona de’it besi rin no guarda rede Hernanio Tilman nia liman tutun.
Ameasa husi ekipa rua ne’e seidauk bele lori sorte bá sira nia ekipa to’o jogu termina Skor 1-1.
Resultadu ne’e lori Fitun Estudante rekolla Pontos 5, enkuantu Santa Cruz rekoila de’it Pontos 4.
About Post Author
