DILI-(Desportu XYZ) Jogu entre Nagardjo Fc ho Fitun Estudante Lorosae tenki Ádia bá semana oin,hafoin trenador ho jogador Nagardjo Fc la simu dezisaun abritazen ne’ebé mak fó penalidade bá Fitun Estudante.
Trenador no jogador husi Nagardjo sira la simu dezisaun ne’ebé mak Arbitrazen Gaspar Soares fó penalti bá Fitun Estudante atu sota tanba bola ne’ebé mak kona jogador fitun estudante nia liman iha garis penalidade kotuk.
Ho dezisaun ne’ebé mak Arbitrazen foti, halo prezidenti Nagardjo Fc hirus hodi tuda kadeira husi tribun leten mai kraik hodi resulta kadeira ida rahun.
Hafoin dezentendementu para, Arbitrazen desidi hodi kansela penalidade hodi jogu la’o, maibé trenador Fitun Estudante Hermenio Consencao hakilar hodi la simu dezisaun husi Arbitrazen ne’ebé kansela penalidade ba sira.
Tanba ne’e jogu tenki Ádia bá semana oin,hafoin ekipa la Konkorda atu hala’o jogu iha mentun 12.
Kordenador jerál jogu liga Timorense Martinho J.C Riberu hateten,ohin ami bolu hotu ekipa rua hodi foti desizaun hamutuk katak jogu sei Ádia.
“Atu Ádia bá semana oin mós ami seidauk hatene,maibé sei hein fali ami tur hamutuk foin desidi fali loron bá ekipa rua atu kontinua jogu iha menutu 12″afirma Kordenador jerál bá jornalista sira iha estadiun munisipal Dili kinta (16/03)
Nia konta,kona-ba dezisaun penalidade atu kansela ne’e,ami seidauk hatene tanba ne’e dezisaun abritazen nian.
Entertantu, jogu entre ekipa Nagardjo ho Fitun Estudante para iha segunda parte iha menutu 36 ho eskor 2-2,enkuantu jogu sei kontinua bá ekipa ho menutu 12.
Golu rua ne’ebé mak Nagardjo Marka husi jogador númeru kamizola (10) Nelson Freitas iha menutu 38 no 47,no golu rua husi Fitun Estudante Marka husi jogador númeru kamizola (11) Angenico Viegas iha menutu 63 no 64.
About Post Author
