Dili-(Desportu XYZ) Klube promovidu premeru devizaun Liga Futebol Timor LFTL Fc Portu Taibesi Hamoe Jogador Estranjeiru Nain 5 husi Assalam Fc ho golu 3.
Vitória ne’ebé mak Portu Taibesi hetan kontra Asslama fc iha jogu da toluk Liga Timorense Epoka 2022-2023 ne’ebé hala’o estadiun munisipal Dili kuarta (15/03)
Jogu hahú ekipa rua tun ho jogador deferenti,tanba Asslama Fc hatun jogador estranjeiru na’in 3,enkuantu Portu Taibesi responde ho jogador lokál.
Ho Jogador lokál trenador Fc Portu Taibesi Miru Valdo Bentu fiar A’an hodi halo jogu kalma ho bola ain bá ain defesil liu tan bá Assalam Fc atu hetan bola.
Iha menutu balun Fc Portu Taibesi lansa sota falta ida husi jogador Anggisu Barboza iha liña penalidade kotuk,maibé bola ne’ebé mak jogador ne’e sota kona de’it besi rin baliza.
Maske Hetan Ameasa husi Portu Taibesi liu husi sota sira livre Dala rua,falta dala tolu no kantu ha’at,maibé Assalam Fc halo defensivu bá nia rede to’o oras premera parte termina eskor mantein 0-0 bá ekipa rua.
Kontinua bá jogador parte,Trenador Fc Portu Taibesi halo mudansa bá jogador hodi hatama jogador estranjeiru Yohanes Jehaman no hasai Jardel Peidade hodi reforsa liña avansadu.
Mirobaldo Bentu nia tatika jogu halo mudansa bá jogador,ikus mai Yohanes Jehaman halis rede Assalam Fc iha menutu 50,hafoin simu asistensia bola husi Inocensius Ati hodi hasai eskor bá 1-0.
Sofre ona golu ida,halo Assalam Fc tenta duni tuir eskor liu asaun ne’ebé mak Eliasa Mesquita halo,maibé deveza Anggisu Barboza sei la fó Fatin bá sira atu ultrapasa bá rede Portu Taibesi.
Trenador Gaspar Amaral muda estratéjia jogu hodi hatun jogador estranjeiru na’in rua mak hanesan Rahmatula Ghanizada no Alexander Weber hodi haforsa liña avansadu.
Mudansa ne’ebé mak Gaspar Amaral halo,lori sofrementu bá Assalam Fc iha menutu 73,hafoin Edencio da Costa fora rede Nathaniel Agbozo liu husi sota falta hodi hatur eskor 2-0.
Arbitrazen aumenta tan 10 menutu, oportunidade bá Assalam Fc atu duni eskor maibé Portu kontinua domina bola hodi la fó oportunidade bá Assalam atu aumenta golu.
Hela menutu 90+6 jogador Yohanes Jehaman les rede Assalam Fc liu husi asaun individu hodi hakerek nia iha kuadro eskor 3-0 to’o jogu termina.
Resultadu ne’e lori Portu Taibesi okupa tabela klasifikasaun terseru ho Pontos 6, enkuantu Assalam okupa segundu Klasifikasaun ho Pontos 7.
About Post Author
