Dili-(Desportu XYZ) klube premeru divizaun Liga Futebol Timor Leste LFTL Ad SLB Laulara lidera hikas Tabela klasifikasaun Provezorio liga Timorense epoka 2023, hafoin hatun nia adversario Akademica Fc 2-0.
Jogu entre ekipa rua ne’e hala’o iha Estadiun Munisipal Dili tersa (14/03)
Jogu hahú liu de’it minutu 6 Akademica Fc sofre ona golu ida liu husi jogador númeru kamizola (26) Michel Hutabarat,hafoin simu bola kruza husi Bakyoka iha parte karuk hodi lori Makikit Laulara muda eskor bá 1-0
Ho eskor refere halo Akademica Fc hasai intesidade jogu hodi fó presaun bá Ad SLB nia grande area, maibé defeza ne’ebé mak komanda husi Felipi Oliveira la fó oportunidade bá avansadu Akademica Fc atu les sira nia rede.
Akademica Fc ne’ebé mak domina bola a’as atu halis rede Ad SLB iha Menutu 30 liu husi sota livre Alexandre da Cruz, maibé guarda rede Andrew Mensah koñsege baku sai bola ba li’ur.
Ad SLB ne’ebé mak mai ho jogador esperiénsia iha selesaun nasionál ladún hatudu sira nia jogu husi ain bá ain tanba Akademica Fc halo ameasa fila-fila liu husi suta livre, falta no kantu bá sira nia rede.
Iha minutu ikus atu termina primeira parte, jogador númeru kamizola (11) Hilario Ximenis lori Akademica Fc atu muda eskor, maibé bola ne’ebé mak nia suta iha liña penalidade laran sei salva husi guarda rede Andrew Mensah to’o termina primeira parte.
Kontinua bá segunda parte Treinador Akademica Fc Luizinho dos Santos muda tatika jogu hodi uza bola badak ain bá ain, enkuantu Ad SLB responde ho teki taka.
Minutu balun treinador Ad SLB Laulara Juliao Monteiro tenki halo mudan jogu hodi hasai avansadu Mouzinho da Lima hodi hatama Alexandro Lemos hodi reforsa liña avansadu.
Mudansa ne’ebé maka treinador halo lori duni resultadu bá Ad SLB, hafoin jogador númeru (11) Kornelis Portela Doko rede Akademica Fc bainhira simu asistensia bola husi Alexandro Lemos hodi lori Ad SLB ukun ho eskor 2-0.
Akademica ne’e mak sofre ona golu rua, ikus mai nia jogu tenki monu bainhra kapitaun Joel Gaiu hetan kartaun mean tanba halo protesta hasoru Arbitrazen Eufrasio da Costa Silva.
Laiha tan golu ruma bá ekipa rua hodi termina jogu vitória bá Ad SLB ukun ho eskor 2-0.
Resultadu ne’e lori Ad SLB ekoila ona vitória dala rua,inpata ida hodi muda Pontos sai bá 7, enkuantu Akademica Fc hetan vitória dala ida, inpata ida no lakon rua ho Pontos 4
About Post Author
 klube premeru divizaun Liga Futebol Timor Leste LFTL Ad SLB Laulara lidera hikas Tabela klasifikasaun Provezorio liga Timorense epoka 2023, hafoin hatun nia adversario Akademica Fc 2-0.){kind=link}