Tabela Klasifikasaun Liga Timorense Divizaun 1
DILI-(Desportu XYZ) klube Premeru devizaun As Ponta Leste sai ona husi husi zona mean,hafoin halakon Atletic Ultramar/Coracao 1-0 jogu jornada da ha’at ne’ebé mak hala’o iha estadiun munisipal Dili sabadu (25/03).
Jogu hahú Ekipa rua mai ho anbisaun ida hakarak rekoila Pontos masimu hodi sai husi zona livre.
Maibé Ponta Leste ne’ebé nakonu ho jogador selesaun nasionál Sub 19 ladún hatudu sira jogu,hafoin Coracao Fc hamate sira nia jogu badak ain bá ain.
Iha menutu 30 Sorte di’ak bá Coracao,hafoin bola kona jogador Ponta Leste Revelinu nia liman iha garis penalidade nia laran halo Arbitrazen Eufrasio da Costa Silva desidi bá sota penalidade.
Jogador Carlos Ximenis sai hanesan ezekutador failha Marka golu bá rede Ponta Leste,hafoin bola ne’ebé nia sota kona de’it besi rin.
Ameasa ne’ebé mak Coracao hatudu,halo Ponta Leste forsa liu tan hodi halo tatika fila bá grande area defensivu Coracao nian,ikus mai jogador Joao Halle halis rede Coracao Fc hodi lori Ponta Leste ukun premera parte ho Skor 1-0.
Fila bá Segunda parte, Coracao Fc hala’o jogu ho lais atu duni Skor, enkuantu As Ponta Leste halao jogu iha sira nia area defensivu hodi satan sira nia rede labele nakles.
Jogu kontinua manas liu tan iha menutu,hafoin Rofinu Gama halo As Ponta Leste nia defeza tenki hasai kosar hodi salva sira nia grande area to’o jogu termina Skor 1-0 bá Ponta Leste.
Resultadu ne’e lori As Ponta sai husi kona mean,hafoin rekoila Pontos 7, enkuantu Coracao Fc mantein Pontos 4.
About Post Author
