Dili-(Desportu XYZ) Atleta Persaia Diri PD husi Munisípiu 10 ho nia atleta hamutuk arus 300 Partisipa iha kampionatu nasionál hodi perpara bá kampionatu Nasionál Federaasaun Silat Timor Leste FESTIL iha fulan Novembru tinan ne’e.
Prezidente Persaia Diri PD Leonardo Benigno Tilman informa,ho Maromak nia tolun ohin familia Persaia Diri Timor-Leste bele realiza kampionatu Nasionál ba dala rua.
“Ami hato’o obrigadu bá Menisteriu Juventude Desportu Arte e Cultura MJDAC liu husi Komisaun Regulador Arte Marsiais KRAM ne’ebé maka apoiu finanseru hodi realiza kampionatu nasionál ba dala rua”afirma prezidenti PD bá jornalista sira iha salaun Unital segundu (22/10)
Nia dehan,totál atleta hamutuk 300 no kampionatu Nasionál ne’e fahe klase junior no senior.
“Eventu ida ne’e ami sei perpara sira iha Trening Center atu hasoru eventu kampionatu Nasionál ne’ebé mak FESTIL sei hala’o iha fulan Novembru tinan ne’e”
Iha Fatin hanesan, Menistru Juventude Desportu Arte e Cultura Nélyo Isaac Sarmentu haktuir,lori governu nia naran honradu kontenti tanba bele mai Partesipa no hare rasik kampionatu Nasionál husi Modalidade ramu silat Persaia Diri hatudu ohin.
“Husi buat sira ne’ebé ohin imi hatudu no ami hare ne’e tuir duni felozovia Persaia Diri nia mak mentalidade fiar hanesan vida esperitual” nia esplika
Dala ruma ita iha kapasidade Arte Marsiais fisiku di’ak, maibé ita kuandu laiha esperitual ninian ita aprende buat hotu ne’e saugate de’it tanba ita laiha felozovia ida atu respeitu ema seluk hanesan ita nia a’n rasik.
“Ha’u agradese mós bá universidade Unital tanba fatin loloos ne’e mak universidade sira atu hanorin Juven sira prátika Desportu”
Governante ne’e haklaken, ita hare karakter organizasaun Arte Marsiais Persaia Diri ida ne’e hanesan buat ida karik ita atu defende A’an katak ita lakoi buka problema,maibé ita sempre preve ita nia A’an husi hanoin a’at bá ita nia A’an rasik.
Nia mós hakarak dehan bá Persaia Diri no mós Federaasaun Silat Timor Leste katak,2025 ita sei Partesipa eventu internasional Sea Games tanba ha’u dehan bá FESTIL ita hakarak halo perparasaun ne’e naruk oituan molok ita Partesipa iha eventu internasional refere.
Tanba ne’e atleta Persaia Diri ohin loron Partesipa kampionatu Nasionál ne’e iha vantajen bot atu sai atleta nasionál hodi defende ita nia Nasaun iha rai li’ur.
Entertantu, orsamentu bá kampionatu nasionál ne’e hetan fundus husi Menisteriu Juventude Desportu Arte e Cultura liu husi Komisaun Regulador Arte Marsiais KRAM hamutuk 18 Mil.
Enkuantu,Partesipa iha kampionatu nasionál ba dala rua ne’e mai husi Munisípiu 10 mak hanesan,Baucau,Viqueque,Aileu, Oecussi,Dili, Bobonaru, Ermera Manufahi Lautém no Manatutu.
About Post Author
