Dili – Ekipa Lalenok United susesu sai kampiaun ba Taça 12 Novembro dala rua tui-tuir malu hafoin lulun AD SLB Lalaura liu husi suta penalidade ho score 4-1 (oras normal score 1-1) iha Estadiun Munisipal Dili Sabadu (12/12).
Jogu hahu ekipa Makitik Lalaura mai ho ambisaun bo’ot hakarak foti titlu kampiaun taca 12 Novembro hodi hapara historia moruk (lakon bebeik iha final hasoru Lalenok United), enkuantu Lalenok mos lakoi atu lakon istoria hodi defende kontinuasaun votoria kontra SLB.
Jogu la dura kleur Lalenok United doko ona rede Ad SLB iha menutu 6 liu husi suta falta Elias Mequista ho numeru kamizola 10 halo guarda rede Junildo Manuel hakfodak la salva bola husi nia liman, hodi hatur skor ba 1-0.
Ho skor ne’e halo Lalenok United hatudu jogu ho intensi as liu tan susar ba SLB atu hetan bola husi sira nia ain, tanba liña kotuk Lalenok la fo fatin ba Joaõ Pedro no Mouzinho da Lima atu tama liu sira nia area.
Iha minutu balun jogador Mouzinho da Lima aproveita bola ulun hodi fura Lalenok nia rede wainhira hetan bola falta husi João Pedro, maibe arbitru anula golu ne’e tanba Mouzinho iha off-sides.
Laiha tan golu ruma husi ekipa rua hodi termina primeira parte ho skor provisoriu 1-0 ba Lalenok United.
Kontinua ba segunda parte Couch Ad SLB Kim Shin Hwan halo mudansa jogu hodi troka numeru kamizola (23) Cristovão Monis hodi hatama lina klaran Jhon Friths ho numeru kamizola (6)
Ho prezensa Jhon Friths nia iha lina klaran halo Ad SLB nia jogu komesa mudansa halo lina kotuk Lalenok tenki fera ulun makas atu atu salva sira nia rede.
Iha minutu 52 jogador ho numeru kamizola (7) João Pedro simu bola kruza husi nia kompañeru numeru kamizola (17) Zenivio Mota parte liman los hodi fura guarda rede Fazio da Silva hodi hatur eskor ba 1-1.
To’o tempu normal remata laiha tan golu seluk hosi ekipa rua no ho eskor 1-1 obriga ekipa rua tenki hakat ba suta penalidadade.
Iha suta penalidade Lalenok ba uluk suta hasoru SLB, iha suta penalidade dahuluk hosi Lalenok, Fabio ho susesu marka golu no tuir SLB mos ho Nidio mos susesu marka golu, jogador daruak ne’ebé hetan fiar hosi Lalenok atu suta penalidade mak Julio Mendonca nia ho susesu marka golu hodi halo score penalidade muda ba 2-1 ba SLB, jogador daruak no datoluk hosi SLB (Filipe Oliveira, Bakayoka Pied) la konsege fura guarda rede Lalenok, enkuantu jogador Lalenok nain ha’at susesu marka golu. score penalidade 4-1 vitoria ba ekipa Lalenok United. Parabéns Lalenok United FC. (Eu).
About Post Author
