DILI- (Desportu XYZ) Atleta Timor-Leste husi modalidade 8 ohin aranka ona ba Cambodia hodi kompete iha Eventu Sea Games 2023 ne’ebe sei realiza iha loron 5 to’o 17 fulan Maio.
“ita nia atleta sira ohin husi modalidade boxing, soft tenis, karate-Do no atletizmu aranka ba Cambodia atu partisipa Sea Games 2023 no ita nia atleta husi modalidade siklizmu ho futebol uluk aranka uluk ona iha semana kotuk”afirma Sekretáriu Jerál CONTL Laurentinu Guterres bá jornalista sira iha Airoportu Internasionál Nicolau Lobato kuarta (03/05).
Laurentinu haktuir,ita nia atleta husi modalidade voleibol praia no taekwondo sei aranka fali iha loron 8 fulan maiu 2023.
horseik ami lori ona atleta sira bá hasoru malu ho prezidente repúblika Jose Manuel Ramos Horta no prezidente repúblika fo hela mensajen ba atleta sira jogu manan ka lakon tenki dixiplina nafatin tanba atleta sira ba kompete ne’e hanesan mos embaixador ba Timor-Leste, sira husu ba povu Timor-Leste apoiu atleta sira ne’e liu husi orasaun no sira mos husu ba igreja iha domingu halo misa reza bá atleta sira atu nune’e sira partisipa ho diak manan ka lakon buat seluk tanba atleta sira kompete tuir nesesidade nasaun nian.
fatin seluk atleta Soft Tenis Matias de Sousa informa, sira senti orgullu tanba partisipa Sea Games ho finanseiru husi sira nia organizasaun internasional rasik la hetan apoiu finanseiru husi governu
“Ami atleta husi soft tenis senti orgullu maski ami partisipa Sea Games 2023 iha Cambodia ne’e ami hetan suportasaun masimu husi ami nia organizasaun internasional servisu hamutuk ho CONTL no governu la apoiu finanseiru maibe ami senti diak hela tanba ami ba mos reprezenta nasaun”
Matias sublina, karik sira ba mak hetan medalla depois sira fila mai Timor-Leste governu la rekunese mos diak tanba sira Timoroan nafatin importante mak hatudu talentu reprezenta nasaun lori Timor-Leste ba diak.
treinador karate-do Andreas da Silva dehan, sira nia esperansa ba atleta karate-do sei hatudu rezultadu diak tanba sira halo preparasaun masimu bazeia ba esperensia tinan kotuk.
“esperansa ba atleta karate-do nian sei hatudu rezultadu diak iha Sea Games 2023 tinan ne’e tanba ami nia atleta halo preparasaun masimu atu kompete no ami iha ona esperensia bazeia ba tinan kotuk nian ami lakon tanba faila iha tekniku no tatiku.”
sira husu ba povu Timor-Leste fó suportasaun masimu husi orasaun atu nune’e atleta sira bele kompete ho diak atu nune’e nasaun sira seluk bele hatene Timor-Leste katak Timoroan bele.
Entretantu delegasaun Timor-Leste partisipa Sea Games 2023 iha Cambodia hamutuk nain-103 inklui ona atleta ho ofisial sira husi modalidade voleibol praia, siklismu, boxing, taekwondo, karate-Do, atletizmu, soft tenis no E-sport.
Orsamentu ne’ebé mak governu liu husi Sekretáriu Estadu Juventude no Desportu SEJD aloka hamutuk 146,000 USD ba delegasaun Timor-Leste partisipa Sea Games iha tinan ne’e.
About Post Author
