Dili-(Desportu XYZ) Konfederasaun Desportu Timor-Leste CDTL hamutuk ho atleta nain ualu husi modalidade taekwondo, karate-do ho boxing agradese ba kompania Telemor ne’ebé fo premeu apresiasaun bá atleta nain 8 ne’ebé mak hetan ona medalla osan metan iha Sea Games Cambodia 2023.
“Ohin ami intregra premiu apresiasaun ba atleta sira ba daruak nian ba atleta sira hetan medalla iha Sea Games iha Vietnam no Cambodia tanba ida ne’e hanesan orgullu boot ba Timor-Leste tanba atleta sira hetan prestasaun laos hatudu rezultadu ba sira nia an deit”Afirma Vice deritor Jeneral Telemor Nguyen Viet Anh ba jornalista sira iha Timor Plaza sesta (21/07)
Nia haktuir, reprezenta nasaun Timor-Leste nune’e Timoroan sira respeita imi nia servisu
“Ha’u lori kompania Telemor nia naran hato’o parabens no entrega premiu ba atleta sira hein katak atleta sira ne’e hetan prestasaun diak liu tan iha futuru para nafatin hamorin nasaun nia naran iha kompetisaun internasional sira hanesan Sea Games ho sira seluk.
Iha fatin seluk hanesan prezidente CDTL Macario F. Sanches hatete, ohin nia sai sasin daruak ba kompania Telemor fo bonus ba atleta prestasaun sira tan ne’e nia fo obrigadu ba kompania ne’e hein katak ba futuru sei kontinua nafatin hodi lori dessportu iha Timor-Leste.
“Ohin hau sai sasin daruak kompania Telemor fo premiu apresiasaun (bonus) daruak ba atleta sira hetan medalla, iha tinan kotuk bainhira atleta sira fila husi Sea Games 2022 iha Vietnam no agora fila husi Sea Games 2023 iha Cambodia buat sira ne’e akontese tanba iha servisu hamutuk entre CDTL ho Kompania Telemor hodi nune’e valoriza prestasaun atleta sira nian no ita hein katak ba futuru relasaun organizasaun rua ne’e kontinua metin no forsa nafatin atu nune’e lori desportu diak liu iha Timor-Leste” Macario Afirma
Desportu ba ema hotu inklui kompania privadu sira ne’ebe agora inisia husi Kompania Telemor laos konfederasaun, federasaun, atleta no ema sira hadomi desportu nian deit tan ne’e ami fo obrigadu ba kompania Telemor no ba atleta sira labele orgullu ho bonus ida ne’e tanba oportunidade barak sei tuir mai hakas an para hatudu prestasaun nafatin”
Macario informa tan, iha sira nia mandatu Timor-Leste ba dahuluk no uniku kompania privadu Telemor fo bonus ba atleta sira hetan medalla iha jogu internasional sira iha 2022 no iha 2023, hein katak relasaun CDTL ho Kompania Telemor la kotu iha ne’e kontinua atu nune’e atleta se deit hetan prestasaun iha jogu internasional lori medalla mai no fo ba Timor-Leste kompania Telemor nafatin fo bonus atu nune’e saida mak atleta sira fo ba rai ida ne’e hetan buat diak.
atleta boxing Edegar Foe Quintas dehan, nia senti kontente no fo obrigadu ba kompania Telemor fo ona premiu apresiasaun hodi motiva sira kompete diak liu tan.
“Hau senti kontente no fo obrigadu ba kompania Telemor tanba fo ona premiu apresiasaun tanba husi ne’e sira bele suporta, motiva no hamosu nafatin ami nia espiritu kompete ho diak liu tan no sira hatudu ba joven sira atu nune’e iha espiritu atu sai atleta hodi kompete diak liu tan”
Nia hatetenz atleta nain ualu ne’e hetan premiu apresiasaun husi Kompania Telemor kada atleta ida hetan orsamentu 200 USD no atleta sira ne’e nain rua husi modalidade boxing, nain tolu husi modalidade taekwondo no nain tolu tan husi modalidade karate-do ne’ebe hetan medalla osan metan iha Sea Games 2023 iha Cambodia.
About Post Author
