Dili- (Desportu XYZ) Atleta selesaun nasionál husi Federaasaun Boxing Amadora Timor leste Delio Mouzinho sei la hamate nia esperansa no nia promete sei hetan resultadu di’ak iha eventu Asea Games tinan ne’e Cina tanba eventu Sea Games foin lalais iha Cambodia atleta refere hetan de’it terseiru lugar.
“Ami nia preparasaun semana ida liu ona i agora dadaun ne’e treinadór internasionál cubano no mós nasional mak fó trenu tanba ne’e ha’u fiar Asea Games sei hatudu rezultadu di’ak” afirma Delio bá Desportu XYZ iha Benfika Dili kinta (22/06)
Delio haktuir, agora dadaun sira akompaña de’it no programa ita tuir de’it cubano nian, maibe ami rona informasaun Cubano atu fila fali bá sira nia rai no fulan Agostu mak sira foin fila, maibé agora dadaun ne’e di’ak ho fisiku.
Uluk ami ba joga iha rai liur, fisiku mantein nafatin agora ne’e Aumenta tekniku Atleta
“Agora dadaun atleta sira nia preparasaun atu husu Mos ba governo atu nune’e bele hare ba atleta sira nia kondisaun hodi nune’e bele ba kompete iha nivel internasional”
Boxista husi El Matador ne’e haklaken,,ha’u ko’alia ona iha bá media dehan tenke iha primeiro lugar, maibé to’o ikus hetan fali iha terseiru lugar, maibe la hamate nia esperansa no fiar katak iha futuru bele hetan primeiro lugar “
Sorin seluk,Director Teknik Sebastiao da Silva hatutan, agora dadaun sira nia preparasaun komesa la’o no sira treinu ona semana tolu resin, prepara ba iha eventu Asea Games iha Cina tanba Asea Games ne’e Nasaun ne’ebé mak barak tebes.
“Ita kompara ho Sea Games ne’e iha nasaun sanulu resin de’it mak prepara bá Sea Games iha Cambodia,agora Asea Games ne’e nasaun 45 mak agora dadaun atu tuir hela Asea Games iha Cina tanba ne’e ami tenki halo preparasaun masimu”
Nia sublina liu tan katak,ami ho esforsu tomak, ne’ebé mak federasaun iha atu halo prestasaun ne’ebé mak di’ak iha Asea Games, ne’ebe mak sei hala’o iha cina maibe fo treinu sira iha dader ho lokraik.
Entertantu,Atleta selesaun nasionál husi Federaasaun Boxing Amadora Timor Leste Delio Mouzinho iha Eventu Sea Games tinan kotuk Delio konsege hatudu Prestaun di’ak hodi okupa iha segundu lugar ho medalia osan mutin ida no iha tinan ne’e Delio lakonsege hatudu nia prestasaun hafoin nia okupa de’it iha terseru lugar ho medalia osan metan ida iha eventu Sea Games ne’ebé mak hala’o iha Cambodia (Juvita dos Santos/Elizabet)
About Post Author
