Dili-Federasaun Futebol Timor Leste (FFTL) rekoñese la selu salariu trenador Selesaun nasionál Timor-Leste durante fulan 5 tanba finanseru laiha.
Adjuntu Sekretáriu Jerál FFTL Frederico Martins deklara, kontratu ne’ebé mak selebra ho trenador Fabio Meciel no mós hanesan deritor teknik FFTL ne’e Federasaun halo koperasaun ho AFC.
“Los duni trenador refere seidauk simu salariu durante fulan 5 hahú husi fulan Abríl to’o agora tanba inplika mundansa finanseru ne’ebé mak apoiu husi AFC”relata Frederico liu husi pres konferensia ne’ebé mak hala’o iha sede FFTL sesta (02/09)
Tuir nia katak,mudansa ne’ebé mak AFC antes uza ne’e mak finansial asisten program,maibé muda bá adventer program ne’ebé halo mudansa bot iha ne’ebá.
“Ho mundansa ne’e husi 500 mil ne’ebé mak apoiu husi AFC hodi fahe bá 250 mil apoiu bá operasional 250 mil bá infrastrutura,tanba ne’e mak fó inpaktu bá salariu trenador sira nian”
Nia haktuir,Salariu la’ós trenador Fabio nian de’it,maibé inklui mós trenador nain tolu.
Esforsu ne’ebé FFTL halo konsege selu tha salariu Fabio Miciel nian hahú fulan Janeiru to’o Marsu,no ami informa fali hahu husi fulan Abríl to’o mai agora sei iha prosesu nia laran.
Adjuntu Sekretáriu Jerál FFTL ne’e afirma, kona-ba nia kontratu tuir loloos remata ona iha fulan Maiu tinan ne’e,maibé ami seidauk selu entaun ami prolonga tan nia kontratu to’o iha loron 31 fulan Dezembru tinan ne’e.
Maibé horseik trenador refere desidi termina nia kontratu ho FFTL tanba iha ona klube seluk atu kontratu nia.
“FFTL la’ós atu la selu,maibé iha loron 31 fulan Agostu tinan ne’e hetan ona aprovasaun tanba ne’e orsamentu tanba ona bá FFTL nia konta,ami bele halo ona pagamentu ba nia salariu tuir deretu ne’ebé iha”
Enkuantu, Salariu ne’ebé mak trenador Fabio Miciel simu kada fulan $ 10.000 no totál hamutuk fulan 5 $ 50.000
About Post Author
