Dili-orgaun Liga Futebol Timor Leste (LFTL) konvida klube 18 hala’o Reuniaun atu rona defikuldade klube sira nian, molok aprezenta bá iha Federasaun Futebol Timor Leste (FFTL.
Prezidenti LFTL Nilton Gusmao deklara, reuniaun ida ohin atu rona klube sira nia ispirasaun tanba tinan ida ne’e tama ona bá fulan Setembru,maibé liga seidauk la’o.
“Tanba ne’e mak ohin konvoka reuniaun ida ho klube sira atu tau hanoin hamutuk i ami mós sei hala’o reuniaun ida ho FFTL iha loron 12 fulan Setembru tanba ne’e mak sei tau hanoin sira ne’e hodi lori bá deskuti hamutuk ho FFTL ” dehan prezidenti LFTL, hafoin remata reuniaun ho klube sira iha Otel JL Vila segunda (05/09)
Tuir Nilton katak, klube sira nia defikuldade mak osan tanba mosu tha Covid 19 halo klube sira la hetan patrosinador,entaun defikuldade sira ne’e mak ami sei hato bá FFTL hodi hare situasaun sira ne’e atu buka oinsá Resolve tiha defikuldade klube sira nia hodi bele realiza liga epoka ida ne’e.
“Klube sira hato difikuldade ohin iha inkontru ne’e ligadu ho subsidu tanba sira senti selu jogador no trenador sira ne’e despeza bot liu”
Nia haktuir, hakarak ka lakohi liga tenki la’o, maibé liga labele la’o sim klube tanba klube hanesan komponente importante ida iha futebol tanba klube mak hakiak jogador hodi hetan jogador di’ak bá selesaun nasionál.
“Kona-ba orsamentu ne’ebé mak FFTL no Sekretáriu Estadu Juventude no Desportu (SEJD) tau ona ne’e,ami buka atu kompleta, maibé liga agora osan laiha tanba ami depende hela ba SEJD no FFTL”
Nia sublina liu tan, ami halo hela kalkulasaun bá orsamentu ne’ebé mak governu liu husi SEJD no FFTL tau ona hamutuk $ 400.000, ami halo ona metade katak sei joga (estegan kompetisi) liga buka tan angaria $ 190.000, sei joga ful konpetesi liga buka tan $ 295.000.
About Post Author
 konvida klube 18 hala'o Reuniaun atu rona defikuldade klube sira nian, molok aprezenta bá iha Federasaun Futebol Timor Leste (FFTL.Prezidenti LFTL Nilton Gusmao deklara, reuniaun ida ohin atu rona klube sira nia ispirasaun tanba tinan ida ne'e tama ona bá fulan Setembru,maibé liga seidauk la'o.){kind=link}