Dili-iha loron 30 fulan Abríl 2022 klube Boavista Fc de Timor (Panteras Negras) realiza eventu Boavista Cup iha Munisípiu Covalima no husu Prezidenti Boavista José Ramos Horta mak sei loke abertura bá eventu refere.
Tanba ne’e ohin estrutura Boavista no komisaun organizadora hasoru malu ho prezidenti Boavista Fc de Timor atu loke abertura bá eventu refere iha Covalima.
“Ohin Boavista lori konvite mai tanba klube Boavista sei loke Boavista Cup iha munispiu Covalima, ne’ebé ita lori hela konvite mai prezidenti Boavista no parte ida mós José Ramos eleitu ba prezidenti da Repúblika tanba ne’e mak ita konvida hela para bele loke abertura bá eventu refere”tenik Sekretáriu Jerál Boavista Fc de Timor Sergio Campus dos Santos ba jornalista iha Farrol tersa (26/04)
Nia haktuir, eventu Boavista Cup la’ós realiza de’it iha munispiu Covalima,maibé inisia husi Covalima uluk depois ita sei realiza fali iha Munisípiu seluk atu anima fali joven sira hotu depois de elesaun hotu ema senti polítika,entaun di’ak liu ita koko jogu hodi falun ema sira hanoin fali Desportu.
Iha eventu ne’e sei hahú iha loron 30 fulan Abríl no termina iha loron 5 fulan Juñu tinan ne’e, no klube hamutuk 16 mai suku 9 no iha postu administrativu tolu hanesan Maukatar, Suai Vila no Tilomar.
“Kona-ba orsamentu atu realiza eventu refere,mai husi Boavista rasik ho orsamentu porvolta $ 3 mil “dehan nia
Nia informa, konvite ne’ebé ohin ami fo, prezidenti aseita no prontu Partesipa iha abertura bá eventu ne’e,maibé iha aktividade seluk iha no nia sei informa fila fali,maibé tuir informasaun ohin katak iha posiblidade bele Partesipa Iha abertura.
Sorin seluk prezidenti Boavista Fc de Timor José Ramos Horta afirma,programa ida husi Klube Boavista atu halo eventu Boavista Cup iha Covalima durante fulan ida nia laran.
convida ha’u atu bá ha’u iha prensipiu sim para aproveita agradese povo Suai sira nia apoiu, mais ha’u seidauk bele konfirma 100% depende ha’u nia komprimisiu agora fin de semana.
About Post Author
