Notisia Desportu XYZ (28/03/2023) Tersa feira ne’e jogu segundu divizaun Liga Timorense, iha Stadium Munisipal Dili husi Kablaki FC Derota ho Lica-Lica FC ho Eskor 2-1.
Jogu hahu husi primeiru parte iha minutu 4 ba leten husi Kablaki Fc mak hatudu jogu ho mentalidade diak, no ameasa ba baliza Lica Lica maibe la marka golu ruma.
Jogu ameasa ba dala rua iha Lica Lica nia baliza ne’e, mak ekipa Lica Lica FC responde ba Kablaki to’o hetan Golu husi numeru kamizola 13 Abilio Jerónimo pasa bola ba Numeru kamizola 7 Andre Sarmento iha minutu 14 númeru kamizola 7 Andre Sarmento marka golu.
Lica Lica muda Eskor 1-0 no jogu komesa hahu manas diak liu tan, husi ekipa Lica Lica domina bola, no tuir numeru kamizola 19 Joanico Bragança iha minutu 38 marka tan golu muda eskor 2-0 to’o jogu primeiru parte remata.
Kontinua tama ho jogu segundu parte husi ekipa Kablaki FC domina bola no ameasa hela deit ba baliza Lica Lica, maibe la marka golu ruma, tanba husi defeza Lica Lica mos mantein nafatin ho pozisaun hodi defende bola iha sira nia baliza.
Tama ba minutu 56 numeru kamizola 22 lori bola besik baliza Lica Lica atu suta ba baliza maibe la konsege suta, tamba hetan kait husi defeza Lica lica FC, Alito da Cruz monu ba iha lina 16 laran no arbitru Candido M.B. de Carvalho hu’u arbitu hatudu penalidade iha minutu 56.
Enkunantu Penalidade ne’e suta husi numeru kamizola 10 Jorge Alves no golu, skor muda 1 -2.
Husi klubu rua iha Jogu refere husi klubu rua hatudu jogu komesa manas liu tan, maibe kablaki nafatin domina bola ho diak.
No Kablaki FC buka meius hodi esforsu hatama golu maibe la konsege,
No tuir responde tan bola husi ain ba ain husi numeru kamizola 11 konsege hatama golu ba Lica Lica Fc,maibe golu refere ousite.
Jogu to’o kompleta minutu 90 aumenta minutu 3 nafatin la iha marka golu ruma husi ekipa rua to’o jogu remata mantein ho eskor 2 -1.
Kartaun Kinur Uniku
Enkuantu husi jogu ne’e uniku jogador husi ekipa Kablaki FC iha minutu 80 numeru kamizola Alito da Cruz hetan kartan kinur.
No husi Ekípa Lica Lica FC la iha iha Jogador ida mak hetan kartaun to’o jogu remata.
Estatistika
Kolekta pontu 3 Lica Lica FC hetan total pontu 7 Kablaki FC mantein ho pontu 3. Lica Lica FC hakat ona jornada da-haat, manan dala rua, empata ida no lakon ida. Vitoria ne’e lori Lica Lica okupa terseiru iha tabela klasifikasaun provezoria Liga Timorense Divizaun 2 epoka 2022/2023.
Entretantu Kablaki FC hosi joga dala haat, hetan vitoria dala ida no restu tolu derota no rezultadu ne’e halo Kablaki FC la dook husi zona mean tabela klasifikasaun.
Tabela Klasifikasaun Divizaun 2
About Post Author
