Notísia desportu.XYZ (02/04/2023)-Jogu Primeru divizaun iha Stadiun Munisipal dili Domingu semana ne’e husi klubu ADSLB Fc ho Aitana FC hurlele malu to’o eskor 4-3 to’o gogu remata.
Husi Ekípa rua jogu ne’e halimar bola ho a’as tanba kondisaun Kampu, Tanba ne’e tun la to’o minutu husi Ad SLB dudu no ameasa kedas Aitana FC ninia area risku , jogador numeru kamizola 6 Jhon de Oliveira mlalin bola ba maibe la konsege produs golu, tanba guarda rede adversariu halo salvasaun ho seguru.
Jogu ne’ebe derize hosi arbitu Pedro Carvalho la dura kle’ur, minute 3 de’it, SLB ninia jogador kamizola 69 Jeremias Baptista parte eskerda suta ba baliza Aitana nian maka husi mumeru kamizola 21 Alexadro Ima Kefi mak hetan bola hamosu golu dahuluk hodi les rede Aitana Fc.
Temperature jogu aumenta manas, tempera tan ho kondisaun klima hoban uniku kampu iha nasional nee aumenta tahu no namdoras halo perturba jogador sira ninia movimentu kontrola no pasa bola hosi ain baa in.
Maske sofre, Aitana la nonok kontinua hatudu tatika, hetan oferta furak rezulta jogador kamizola 17 Pascoal Ximenes hamosu golu impatadu konverte bola hosi numeru kamizola 10 Luis da Silva, bola kabesada halo guarda rede SLB sai bilan iha minute 30.
Tempu avansa ba minutu 36 SLB ninia numeru kamizola 6 Jhon de Oliveira hatama hamosu tan golu daruak lidera 2-1, tensaun jogu aumenta manas to tempu estra remata, rezultadu mantein ho 2-1 to’o jogu primeiru parte remata.
Tama segunda parte, Estrela SLB Laulara kamizola 10 Mouzinho Delima lori bola loke ameasa ba baliza Aitana maibe la marka golu,tanba baliza salva bola ho Diak,no kontinua kedas kedas husi Aitana númeru kamizola hetan bola hodi suta ba ADSLB nia baliza nafatin la golu.
Jogu laos manas deit iha kampu laran maibe daet to adeptu sira hakilar no haklalak malu iha tribun.
Iha minute 59, Jogador estrangeiru husi número kamizola 27 Mamoudou Conde marka golu ida husi bola kabesada hodi fera baliza SLB hodi muda eskor 2-2.
Tensaun aumenta manas, tama ba minutu 75 husi AdSLB númeru kamizola 7 Zenivio Mota marka tan golu husi bola ain muda eskor 3-2.
La to minutu rua husi ASLB jogu manas liu tan maka husi ADSLB númeru kamizola 10 Mouzinho De Lima marka tan golu tanba suta bola ne’ebe mak makaas halo baliza kaer la metin maka bola sai husi baliza nia liman muda Eskor husi ne’e muda eskor 4-2.
No kontinua jogu suta bola husi numeru kamizola 27 Mamoudou Conde kona defeza nia liman maka penalidade, Mamoudou Conde iha minutu 87 suta golu penalti ne’e muda eskor 4-3.
Entertantu jogu refere aumenta minutu tolu ba tempu estra, maibe nafatin ho eskor 4-3 to’o jogu remata.
Enkuantu husi Jogu ne’,e Aitana Fc numeru kamizola 7 Rigerber ld Lay iha minutu 40 hetan kartaun no tuir iha minutu 64 número kamizola 28 Roberto Maya hetan kinur, Jilson dos Reis numeru kamizola 10 iha minutu 67 hetan kartaun kinur.
Husi ADSLB ne’ebe mak hetan kartaun kinur nain tolu, Numeru kamizola 5 Gumario Morreira hetan kartaun kinur iha minutu 89, Número kamizola 8Natalino da Costa iha minutu 90+1 hetan tan kartaun kinur.
No ikus iha minutu 90+2 baliza AdSLB Andre Mensah hetan mos kartaun kinur.
Husi jogu refere ADSLB nafatin lidera tabela klasifikasaun iha primeiru divizaun liga Timorense ho Pontus 14 no husi aitana nafatin ho pontus 4.
About Post Author
