DILI-(Desportu XYZ) Jogador estranjeiru Yohanes Jehaman Hakoi Fc Portu Taibesi nia vitória kontra Corasao/Atletic Ultramar iha minutu 78 hafoin jogador ne’e falla suta penalidade hodi halo ekipa rua tenki fahe Pontos 0-0.
Jogu hahú ekipa FC Portu fó kedas ameasa bá rede Coracao liu husi Helman Asa hodi lansa suta husi ain karuk,maibé bola ne’ebé mak nia suta ladún fó perigu tanba guarda rede Alexandre Leao salva bola ho di’ak.
Ameasa husi Fc Portu Taibesi, la hamate vontade Rofino Gama ho nia kolega sira tanba Coracao ne’ebé mak tun ho jogador maioria joga iha Futsal hala’o jogu ho bola badak ain bá ain hodi fó ameasa perigu bá rede Fc Portu husi Rofino Gama ho Yohanes Gusamao, maibé guarda rede Juvensio Henrique konsege baku sai bá li’ur.
Husi jogu ekipa rua ne’e, anima tebes adeptu sira tanba Fc Portu hala’o nia suta kantu dala neen no suta falta iha liña penalidade kotuk dala ha’at, enkuantu Portu Taibesi suta de’it kantu dala ha’at no suta bola falta dala lima iha perigu, maibé seidauk lori skor bá ekipa rua to’o termina jogu premera parte skor mantein 0-0.
Haksoit bá segunda parte, trenador Coracao Fc muda sira tatika hodi soe bola bá Portu Taibesi nia liña oin, hodi fó falta bá Coracao, maibé ne’ebé mak Rofinu Gama suta kona de’it guarda rede nia liman tutun hodi sai bá li’ur.
Portu Taibesi tahan ho Coracao nia jogu, hafoin Yohanes Gusamao lansa tan suta falta ida iha liña penalidade nia kotuk, maibé kona de’it besi rin leten.
Iha minutu 78, defeza Izac Caitanu Gama komete eru iha liña penalidade laran hafoin nia rasta Dilson Araújo halo Arbitrazen Fransisco Pereira desidi suta penalidade.
Yohanes Jehaman ne’ebé sai hanesan ezekutador failha Marka golu, hafoin guarda rede Alexandre Leao blokea bá li’ur to’o jogu termina Skor mantein 0-0
Resultadu ne’e lori Fc Portu Taibesi rekoila Pontos 8, enkuantu Coracao hetan pontu 5.
About Post Author
