Dili – Treinadór Lalenok United Fc, Simon Elessetche informa, daudaun ne’e, sira preparadu atu joga hasoru Lica-Lica Lemorai Fc iha sexta aban, (26/11), iha stadium Munísipal Dili, oras tuku 16:00 OTL.
Tuir nia katak, depois de remata joga kontra Fitun Estudante Lorosa’e (FIEL), iha semana kotuk, sira deskansa tiha kuaze loron tolu nia laran, tan ne’e sira preparadu los atu hasoru ekipa adversáriu.
“Ohin sei iha jogu AD SLB Laulara kontra Zebra, tan ne’e ba oin nafatin halo preparasaun hodi prepara ba jogu tuir mai”. Informa treinadór ne’e iha LFTL, Xanana Sport Centre, Kinta (25/11/2020).
Tanba ne’e, treinadór ne’e afirma, jogu aban sira sei manan nia adversáriu, nune’e bele anima adeptus sira ne’ebé sei asiste jogu refere.
Nune’e mós nia esklarese, relasiona ho jogadór maiória kondisaun di’ak, enkuantu jogadór Elias mós daudaun ne’e kondisaun hahú rekupera ona. (Vidal).
About Post Author
