DILI – Treinadór Akademica FC Marcos Gusmão hatete derota 0-6 ho Sporting klubu de Timor iha taca 12 Novembro tinan ne’e hanesan korajen ba Akademica atu hadia hodi kompete iha Liga Timorense.
Tuir Marcos katak Akademika nia partisipa iha taca 12 Novembo ho jogador ne’ebé mak limatadu no preparasaun menus obriga ami tenki simu rezultadu hasoru Sporting.
“Derota 0-6 ho Sporting iha taca 12 Novembro tinan ne’e hanesan korajen ida mai ami atu hadia ekipa ba iha jogu Liga Timorense” relata Marcos ba jornalista iha estadiun munisipal Dili tersa (24/11), nia hatutan failansu jogu Akademia nian iha parte lina klaran tanba postura jogador sira mesak badak hodi fo opurtunida ba Sporting uza tatika bola aas difisil ba ami atu hetan bola.
Nia fó parabéns ba Sporting klubu de Timor ne’ebé mak hetan ona vitória husi Akademika hodi hetan fatin ba oitavu finais.
Rezultadu ne’e lori Sporting klubu de Timor hakat ba oitavu finais hodi hasoru adversariu Zebra FC ho Ad SLB Laulara ne’ebé mak sei halao jogu iha estadiun munisipal Dili Kuarta 25/11 Ors 16:00. (Eug)
About Post Author
