DILI – Asistente treinadór Benjamin Gama iha planu no estratejia foun sei lori klubu istóriku Zebra hamonu AD SLB Laulara iha jogu taca 12 Novembro ne’ebé mak halao estadiun munisipal Dili Kuarta (24/11).
“Jogu aban ekipa istóriku Zebra fc sei hatudu jogu diak hodi hamonu Ad SLB iha taca 12 Novembro tanbà Zebra estuda ona pontu fraku sira” promote Benjamin ba jornalista iha salaun LFTL bairo grillos Tersa (24/11).
Zebra fc nia preparasaun durante semana tolu antes copa FFTL remata no iha jogador foun balu iha ekipa sub 16 no 19 munisipiu Baucau sei haforsa Zebra fc iha jogu hasoru SLB Laulara.
Nia promete sei lori Zebra FC halo mundansa iha taca 12 Novembro no Liga Futebol de Timorense tanba jogador junior Zebra hakarak lori ekipa istóriku ida ne’e ba oin.
Hare ba pasadu iha Liga Futebol Amadora ekipa antigu Zebra fc sempre hatudu rezultadu la diak ba ekipa tan ne’e mosu ona hanoin husi treinadór no jogador sira prontu ona hakarak hasoru Ad SLB.
Jogu entre ekipa AD SLB kontra Zebra fc sei akontese iha Kuarta (25/11) iha estadiun munisipal Dili Ors 16:00.(Eug)
About Post Author
